Sabarimala pilgrims allowed to carry coconuts in Irumudikettu on flights

ശബരിമല തീർത്ഥാടകർക്ക് സന്തോഷ വാർത്ത. ഇരുമുടിക്കെട്ടിൽ നാളികേരം വച്ച് വിമാനത്തിൽ സഞ്ചരിക്കാൻ അനുമതി ലഭിച്ചു. വ്യോമയാന മന്ത്രാലയം ഇതു സംബന്ധിച്ച് ഉത്തരവിറക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സുരക്ഷാ കാരണങ്ങളാൽ മുൻപ് ഇത്തരം അനുമതി നൽകിയിരുന്നില്ല. എന്നാൽ തീർത്ഥാടകരുടെ ദീർഘകാലത്തെ അഭ്യർത്ഥന മാനിച്ചാണ് ഇപ്പോൾ നിയമത്തിൽ മാറ്റം വരുത്തിയിരിക്കുന്നത്. മുൻപ് ചെക്ക് ഇൻ ബാഗേജിൽ മാത്രമേ നാളികേരം കൊണ്ടുപോകാൻ സാധിച്ചിരുന്നുള്ളൂ.

എന്നാൽ ഇപ്പോൾ ഇരുമുടിക്കെട്ടിൽ നാളികേരം വച്ച് കൈയിലുള്ള ബാഗിൽ കയറ്റി കൊണ്ടുപോകാൻ സാധിക്കും. ഈ അനുമതി നിശ്ചിത കാലയളവിലേക്ക് മാത്രമാണ് നൽകിയിരിക്കുന്നത്. നിലവിൽ ജനുവരി 20 വരെയാണ് വിലക്ക് നീക്കിയിരിക്കുന്നത്.

മകരവിളക്ക്, മണ്ഡലകാലം തുടങ്ങിയ പ്രധാന തീർത്ഥാടന സമയങ്ങൾ പരിഗണിച്ചാണ് ഈ താൽക്കാലിക ഇളവ് നൽകിയിരിക്കുന്നത്. എന്നാൽ സുരക്ഷാ പരിശോധനകളോട് തീർത്ഥാടകർ പൂർണമായും സഹകരിക്കണമെന്ന് വ്യോമയാന മന്ത്രാലയം അറിയിച്ചിട്ടുണ്ട്. ഈ നിയമ ഭേദഗതി ശബരിമല തീർത്ഥാടകർക്ക് വലിയ ആശ്വാസമാകും.

ശബരിമല തീർത്ഥാടനം: ആരോഗ്യവകുപ്പിന്റെ നിർദ്ദേശങ്ങൾ

Story Highlights: Sabarimala pilgrims allowed to carry coconuts in Irumudikettu on flights, Ministry of Civil Aviation issues order

ശബരിമല സ്വർണ്ണക്കൊള്ള: എസ് ഐ ടി സംഘത്തിൻ്റെ തെളിവെടുപ്പ് പൂർത്തിയായി; പത്മകുമാറിന് കുരുക്ക് മുറുകുന്നു