Suriya's Humble Response to 'Superstar' Title Goes Viral

സൂര്യയുടെ പുതിയ ചിത്രമായ ‘കങ്കുവ’ റിലീസിന് ഒരുങ്ങുകയാണ്. മുംബൈയിൽ നടന്ന സിനിമയുടെ പ്രമോഷൻ പരിപാടിക്കിടെ, സൂര്യയെ ‘അവതാരക സൂപ്പർസ്റ്റാർ’ എന്ന് അഭിസംബോധന ചെയ്തപ്പോൾ, അദ്ദേഹം നൽകിയ മറുപടിയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. “ഞാൻ സൂപ്പർസ്റ്റാർ അല്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഞങ്ങൾക്ക് ഒരു സൂപ്പർസ്റ്റാറേയുള്ളൂ, അത് രജനികാന്താണ്. നിങ്ങൾക്ക് ഒരാളിൽ നിന്ന് ഒരു ടൈറ്റിലെടുത്ത് മറ്റൊരാൾക്ക് നൽകാനാവില്ല” എന്നാണ് സൂര്യ പറഞ്ഞത്. രജനികാന്തിനോടുള്ള നടന്റെ ബഹുമാനം എന്ന രീതിയിലാണ് ഇത് സോഷ്യൽമീഡിയയിൽ പ്രചരിക്കുന്നത്.

നേരത്തെ, രജനികാന്തിന്റെ ‘വേട്ടയ്യൻ’ റിലീസ് തീയതി കാരണം ‘കങ്കുവ’യുടെ റിലീസ് നീട്ടിവെക്കാനുള്ള തീരുമാനവും ചർച്ചയായിരുന്നു. രജനികാന്തിനോടുള്ള ആദരസൂചകമായി ‘കങ്കുവ’ റിലീസ് മാറ്റുന്നതായി സൂര്യ തന്നെയാണ് അറിയിച്ചിരുന്നത്. പിന്നാലെ ‘വേട്ടയ്യന്റെ’ താങ്ക്സ് കാർഡിൽ സൂര്യയ്ക്ക് പ്രത്യേക നന്ദി അറിയിച്ചതും ആരാധകർക്കിടയിൽ ആഘോഷമായിരുന്നു.

നവംബർ 14 നാണ് ‘കങ്കുവ’ റിലീസ് ചെയ്യുന്നത്. സ്റ്റുഡിയോ ഗ്രീനിന്റെ ബാനറിൽ കെ ഇ ജ്ഞാനവേൽ രാജയും, യു വി ക്രിയേഷൻസിന്റെ ബാനറിൽ വംശി പ്രമോദും ചേർന്നാണ് ചിത്രത്തിന്റെ നിർമാണം. കേരളത്തിൽ 500-ൽ അധികം സ്ക്രീനുകളിലാണ് സിനിമ റിലീസ് ചെയ്യുക.

'മതമിളകില്ല തനിക്കെന്ന് ഉറപ്പാക്കാനായാൽ മതി'; മീനാക്ഷി അനൂപിന്റെ പോസ്റ്റ് ശ്രദ്ധേയമാകുന്നു

ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ‘കങ്കുവ’ കേരളത്തിലെത്തിക്കുന്നത്.

Story Highlights: Suriya’s new film ‘Kanguva’ set for release, actor’s humble response to being called ‘Avatar Superstar’ goes viral

ബിജെപിയിലേക്ക് താനില്ല; തിരുവള്ളുവരെയും ബിജെപിയാക്കാൻ ശ്രമമെന്ന് രജനികാന്ത്