സൂര്യ ചിത്രം ‘കങ്കുവ’യുടെ റിലീസ് മാറ്റിയതിന്റെ കാരണം വെളിപ്പെടുത്തി നിർമാതാവ് കെ ഇ ജ്ഞാനവേൽ രാജ. വേട്ടയ്യന്റെ റിലീസിനെത്തുടർന്നാണ് ഒക്ടോബർ 10 ന് പ്രഖ്യാപിച്ചിരുന്ന കങ്കുവയുടെ റിലീസ് മാറ്റിയതെന്ന് അദ്ദേഹം വ്യക്തമാക്കി. വേട്ടയ്യൻ റിലീസ് നേരത്തെ അറിഞ്ഞിരുന്നെങ്കിൽ കങ്കുവയുടെ റിലീസ് ആ തീയതിയിലേക്ക് ആലോചിക്കില്ലായിരുന്നുവെന്നും അദ്ദേഹം പറഞ്ഞു.
ഈഗോ ഇല്ലാതെ എല്ലാവരുമായി ആലോചിച്ചാണ് റിലീസ് തീയതി മാറ്റിവച്ചതെന്ന് ജ്ഞാനവേൽ രാജ ഒരു അഭിമുഖത്തിൽ വെളിപ്പെടുത്തി. കങ്കുവയ്ക്കായി ഒരുപാട് തുക ചിലവഴിച്ചിട്ടുണ്ടെന്നും മൂന്ന് ഭാഷകളിലായി ഇറങ്ങാനിരിക്കുന്ന ചിത്രമാണിതെന്നും അദ്ദേഹം കൂട്ടിച്ചേർത്തു. വേട്ടയ്യൻ റിലീസ് തീയതി 10 ന് നിശ്ചയിക്കുമെന്ന് കരുതിയല്ല തങ്ങൾ റിലീസ് ആലോചിച്ചതെന്നും അദ്ദേഹം വ്യക്തമാക്കി.
‘എന്ത് പ്രതിസന്ധിയെയും നേരിട്ട് പോരാടണം എന്നൊക്കെ നമുക്ക് തോന്നാം. പക്ഷെ ഒരു സിനിമയുടെ കാര്യത്തിൽ അതൊരു നല്ല കാര്യമായി തോന്നുന്നില്ല. ജീവിക്കുക, ജീവിക്കാൻ അനുവദിക്കുക എന്നതാണ് ആലോചിക്കേണ്ട കാര്യം’ എന്നും കെ ഇ ജ്ഞാനവേൽ രാജ കൂട്ടിച്ചേർത്തു. പീരിയോഡിക് 3D ചിത്രമായാണ് കങ്കുവ എത്തുന്നതെന്നും പത്ത് ഭാഷകളിലായാണ് ചിത്രം റിലീസിനെത്തുകയെന്നും അദ്ദേഹം അറിയിച്ചു.
Story Highlights: Producer K E Gnanavel Raja reveals reason for postponing Suriya’s film ‘Kanguva’ release due to ‘Vettaiyan’ release date clash.
