India rejects satellite spectrum auction, opts for direct allocation

ഉപഗ്രഹ സ്പെക്ട്രം ലേലം ചെയ്യണമെന്ന റിലയൻസ് ജിയോയുടെയും ഭാരതി എയർടെലിന്റെയും ആവശ്യം കേന്ദ്ര വാർത്താവിതരണമന്ത്രി ജ്യോതിരാദിത്യ സിന്ധ്യ തള്ളിക്കളഞ്ഞു. ഉപഗ്രഹ ഇന്റർനെറ്റിനായി സ്പെക്ട്രം നേരിട്ട് ലഭ്യമാക്കുമെന്ന് മന്ത്രി വ്യക്തമാക്കി. ടെലികോം നിയമപ്രകാരം ഉപഗ്രഹ സ്പെക്ട്രം ലേലംചെയ്യാനാകില്ലെന്നും, ഭരണതലത്തിൽ നേരിട്ടുനൽകാനേ സാധിക്കൂ എന്നും അദ്ദേഹം വിശദീകരിച്ചു. പരസ്പരം സഹകരിച്ചാണ് ഉപഗ്രഹ സ്പെക്ട്രം ഉപയോഗിക്കുന്നതെന്നും, അതിനാൽ അത് ലേലം ചെയ്ത് നൽകാൻ സാധിക്കില്ലെന്നും മന്ത്രി പറഞ്ഞു. എന്നാൽ, ഭരണതലത്തിൽ നേരിട്ട് നൽകുന്നതിലൂടെ സൗജന്യമായി നൽകുമെന്ന് അർത്ഥമില്ലെന്നും അദ്ദേഹം സൂചിപ്പിച്ചു. ലോകവ്യാപകമായി ഉപഗ്രഹ സ്പെക്ട്രം ഭരണതലത്തിൽ നേരിട്ടുനൽകുകയാണ് ചെയ്യുന്നതെന്നും, ഇന്ത്യയും അത്തരത്തിൽ തന്നെയാകും ചെയ്യുന്നതെന്നും മന്ത്രി കൂട്ടിച്ചേർത്തു. ഈ പ്രഖ്യാപനത്തിന് പിന്നാലെ, ഇന്ത്യയിൽ ഉപഗ്രഹ ഇന്റർനെറ്റ് സേവനം ലഭ്യമാക്കാൻ സ്റ്റാർലിങ്ക് പൂർണസജ്ജമാണെന്ന് എക്സിൽ ഇലോൺ മസ്ക് കുറിച്ചു. സ്പെക്ട്രം വിതരണത്തിൽ വ്യക്തതവരുത്തിയതിന് അദ്ദേഹം സർക്കാരിന് നന്ദി പറയുകയും ചെയ്തു. ടെലികോം നിയന്ത്രണ അതോറിറ്റിയായ ട്രായിയാണ് ഉപഗ്രഹ സ്പെക്ട്രം അനുവദിക്കുന്നതിനുള്ള രീതി തീരുമാനിക്കുന്നതെന്നും, ഇന്ത്യൻ സ്പേസ് അസോസിയേഷൻ സർക്കാർ തീരുമാനത്തെ പിന്തുണച്ചിട്ടുണ്ടെന്നും റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

Also Read: യൂട്യൂബർമാർക്ക് അവസരങ്ങള്, ഷോർട്സ് വീഡിയോകള്ക്ക് മൂന്ന് മിനുറ്റ് വരെ ദൈർഘ്യമാകാം; പുതിയ അപ്ഡേറ്റുമായി യൂട്യൂബ്