കണ്ണൂരിലെ എഡിഎമ്മിന്റെ മരണവുമായി ബന്ധപ്പെട്ട കേസില്‍ പിപി ദിവ്യ തലശ്ശേരി ജില്ലാ സെഷന്‍സ് കോടതിയില്‍ മുന്‍കൂര്‍ ജാമ്യാപേക്ഷ നല്‍കി. അഡ്വ. വി വിശ്വന്‍ മുഖേനയാണ് ഹര്‍ജി സമര്‍പ്പിച്ചത്. യാത്രയയപ്പ് ചടങ്ങില്‍ ക്ഷണിക്കാതെയാണ് പങ്കെടുത്തതെന്ന വാദം തെറ്റാണെന്ന് ദിവ്യ ഹര്‍ജിയില്‍ വ്യക്തമാക്കുന്നു.
കളക്ടറാണ് തന്നെ ചടങ്ങിലേക്ക് ക്ഷണിച്ചതെന്ന് ദിവ്യ പറയുന്നു. യോഗത്തില്‍ സംസാരിക്കാന്‍ തനിക്ക് അവസരം നല്‍കിയതായും അവര്‍ വെളിപ്പെടുത്തി. ഡെപ്യൂട്ടി കളക്ടറാണ് സംസാരിക്കാനായി തന്നെ ക്ഷണിച്ചതെന്നും, അദ്ദേഹം ഇരുന്ന കസേരയില്‍ നിന്ന് എഴുന്നേറ്റ് മാറി ആ കസേര തനിക്ക് നല്‍കിയ ശേഷമാണ് താന്‍ സംസാരിച്ചതെന്നും ദിവ്യ വിശദീകരിക്കുന്നു.
സദുദ്ദേശത്തോടെയാണ് യോഗത്തില്‍ പരാമര്‍ശങ്ങള്‍ നടത്തിയതെന്ന് ദിവ്യ ഹര്‍ജിയില്‍ വ്യക്തമാക്കുന്നു. മറ്റ് ലക്ഷ്യങ്ങളൊന്നും ഉണ്ടായിരുന്നില്ലെന്നും, താന്‍ പറഞ്ഞ കാര്യങ്ങള്‍ ചൂണ്ടിക്കാണിക്കുകയും ശ്രദ്ധയില്‍ പെടുത്തുകയും ചെയ്യുക എന്നത് മാത്രമായിരുന്നു ലക്ഷ്യമെന്നും അവര്‍ വിശദീകരിക്കുന്നു. കളക്ടര്‍ കൂടി കേസില്‍ പങ്കു ചേര്‍ക്കപ്പെടും വിധമുള്ള പരാമര്‍ശവും ഹര്‍ജിയുടെ ഭാഗമായുണ്ട്.
Story Highlights: PP Divya seeks anticipatory bail in case related to ADM’s death in Kannur
