Congress and BJP accelerate candidate discussions for Maharashtra, Jharkhand

മഹാരാഷ്ട്രയിലും ജാർഖണ്ഡിലും സ്ഥാനാർത്ഥികളെ തീരുമാനിക്കാനുള്ള കോൺഗ്രസിന്റെ തിരഞ്ഞെടുപ്പ് സമിതി യോഗം ഞായറാഴ്ച വീണ്ടും ചേരും. പട്ടിക പുറത്തുവിടാനുള്ള നീക്കമാണ് പിന്നാലെ നടക്കുന്നത്. ജാർഖണ്ഡിൽ ജെഎംഎമ്മുമായുള്ള ചർച്ച തുടരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതുമുഖങ്ങൾക്കും ഒബിസി വിഭാഗത്തിൽ നിന്നുള്ളവർക്കും കാര്യമായ പരിഗണന കിട്ടുമെന്നാണ് റിപ്പോർട്ടുകൾ. മഹാരാഷ്ട്ര സഖ്യത്തിനുള്ളിൽ സീറ്റ് ചർച്ച 90% വും പൂർത്തിയാക്കാൻ ആയത് കോൺഗ്രസിന് ആശ്വാസമാണ്. വിമതശല്യങ്ങൾ ഇല്ലാതെ ചർച്ചകൾ പൂർത്തീകരിക്കാനുള്ള നീക്കമാണ് നടക്കുന്നത്.

ബിജെപിയുടെ തിരഞ്ഞെടുപ്പ് സമിതി യോഗവും രണ്ടു ദിവസമായി ദില്ലിയിൽ നടക്കുന്നുണ്ട്. സീറ്റുകളുടെ കാര്യത്തിൽ സമിതി തീരുമാനമെടുത്തതാണ് വിവരം. പ്രഖ്യാപനത്തിനുള്ള കാത്തിരിപ്പാണ് ഇപ്പോൾ.

നടൻ ഷാറൂഖാന്റെ മകനെതിരെ വ്യാജ ലഹരി മരുന്ന് കേസ് രജിസ്റ്റർ ചെയ്തു എന്ന് ആരോപണം നേരിടുന്ന വിവാദ ഐആർഎസ് ഓഫീസർ സമീർ വാങ്കടെ ശിവസേന ഏക്നാഥ് ഷിൻഡെ വിഭാഗത്തിൽ ചേരും. മുംബൈയിലെ ധാരാവിയിൽ നിന്ന് സമീറിനെ മത്സരത്തിന് ഇറക്കാനാണ് ഷിൻഡെയുടെ നീക്കം. അതേസമയം, തിരഞ്ഞെടുപ്പ് ചട്ടം ലംഘിച്ച് മഹാരാഷ്ട്ര സർക്കാർ ഉത്തരവുകൾ ഇറക്കി എന്ന ആരോപണത്തിൽ തിരഞ്ഞെടുപ്പ് കമ്മീഷൻ പരിശോധന തുടങ്ങി.

സിപിഐഎം ജനറൽ സെക്രട്ടറി തിരഞ്ഞെടുപ്പ് പാർട്ടി കോൺഗ്രസിന്റെ അവസാന ഘട്ടത്തിൽ: കെ കെ ഷൈലജ

ഇരുന്നൂറോളം ഉത്തരവുകളാണ് പരിശോധിക്കുന്നത്. കോൺഗ്രസും ബിജെപിയും മഹാരാഷ്ട്രയിലും ജാർഖണ്ഡിലും സ്ഥാനാർത്ഥി ചർച്ചകൾ വേഗത്തിലാക്കുകയാണ്. ഇരു പാർട്ടികളും തിരഞ്ഞെടുപ്പിനായി സജ്ജമാകുന്നതിന്റെ സൂചനയാണിത്.

Story Highlights: Congress and BJP accelerate candidate discussions for Maharashtra and Jharkhand elections

തമിഴ്നാട് ബിജെപി അധ്യക്ഷ സ്ഥാനത്തേക്ക് മത്സരിക്കില്ലെന്ന് കെ. അണ്ണാമലൈ