Somi Ali invites gangster Lawrence Bishnoi for Zoom call

ഗുണ്ടാ നേതാവ് ലോറൻസ് ബിഷ്ണോയിയെ സൂം കോളിന് ക്ഷണിച്ച് നടൻ സൽമാൻ ഖാന്റെ മുൻ കാമുകിയും അഭിനേത്രിയുമായ സോമി അലി രംഗത്തെത്തി. സോഷ്യൽ മീഡിയയിലൂടെയായിരുന്നു താരത്തിന്റെ ക്ഷണം. വീഡിയോ കോൾ ചെയ്യാൻ താത്പര്യമുണ്ടെന്നും രാജസ്ഥാനിലെ ക്ഷേത്രം സന്ദർശിക്കാൻ ആഗ്രഹമുണ്ടെന്നും സോമി കുറിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

“ഭായ്” എന്നാണ് സോമി ലോറൻസിനെ അഭിസംബോധന ചെയ്തത്. ഗുജറാത്തിലെ സബർമതി ജയിലിൽ കഴിയുന്ന ലോറൻസിനുള്ള നേരിട്ടുള്ള സന്ദേശമായിരുന്നു ഇത്. മഹാരാഷ്ട്ര എൻസിപി നേതാവ് ബാബ സിദ്ദിഖിയുടെ കൊലപാതകത്തിന്റെ ഉത്തരവാദിത്വം ലോറൻസ് ബിഷ്ണോയി ഏറ്റെടുത്തിരുന്നു.

സൽമാൻ ഖാനുമായുള്ള ബാബയുടെ അടുപ്പമാണ് കൊലപാതകത്തിലേക്ക് നയിച്ചതെന്ന് ലോറൻസ് സംഘം സോഷ്യൽ മീഡിയയിലൂടെ അറിയിച്ചിരുന്നു. ഇതിന് പിന്നാലെയാണ് സോമിയുടെ പോസ്റ്റ് വൈറലായത്. കൊലപാതകത്തിന് ശേഷം സൽമാനുമായി ബന്ധമുള്ളവർക്ക് ലോറൻസ് മുന്നറിയിപ്പ് നൽകിയിരുന്നു.

ഇതേ തുടർന്ന് സൽമാൻ ഖാന്റെ സുരക്ഷ വർധിപ്പിച്ചു. സംശയാസ്പദമായ പ്രവർത്തനങ്ങൾ നിരീക്ഷിക്കാൻ 60-ലധികം പൊലീസുകാരെ ബാൻഡ്സ്റ്റാൻഡിനും സൽമാന്റെ ഗാലക്സി അപ്പാർട്ട്മെന്റിനു സമീപവും സർക്കാർ വിന്യസിച്ചു. പൊലീസിന് പുറമെ നിരവധി സിസിടിവി ക്യാമറകളും ഇവിടെ സജ്ജമാക്കി.

ആലപ്പുഴ ജിംഖാന പ്രേക്ഷകഹൃദയം കീഴടക്കി മുന്നേറുന്നു

ഈ സാഹചര്യത്തിലാണ് സോമി അലിയുടെ അപ്രതീക്ഷിത നീക്കം ശ്രദ്ധ നേടിയത്.

Story Highlights: Somi Ali, Salman Khan’s ex-girlfriend, invites gangster Lawrence Bishnoi for a Zoom call, sparking controversy amid security concerns.

സൽമാൻ ഖാന് വീണ്ടും വധഭീഷണി; ഒരാൾ പിടിയിൽ