കോൺഗ്രസ് നേതൃത്വവുമായി ഇടഞ്ഞ് നിൽക്കുന്ന ഡോ. പി സരിൻ പ്രതിപക്ഷ നേതാവ് വിഡി സതീശനെയും രാഹുൽ മാങ്കൂട്ടത്തിലിനെയും രൂക്ഷമായി വിമർശിച്ചു. കോൺഗ്രസിന്റെ അധഃപതനത്തിന് കാരണം വിഡി സതീശനാണെന്നും പാർട്ടിയെ ദുർബലപ്പെടുത്തിയത് അദ്ദേഹമാണെന്നും സരിൻ ആരോപിച്ചു. സതീശന് കോൺഗ്രസുകാരോട് ബഹുമാനമില്ലെന്നും ഞാനാണ് എല്ലാം എന്ന നിലപാടാണ് അദ്ദേഹത്തിന്റെതെന്നും സരിൻ കുറ്റപ്പെടുത്തി.
സിപിഐഎമ്മുമായി ചേർന്ന് ബിജെപിക്ക് എതിരെ ഒന്നും ചെയ്യാൻ സതീശൻ ആഗ്രഹിച്ചിരുന്നില്ലെന്ന് പി സരിൻ ആരോപിച്ചു. വടകരയിൽ ഷാഫിയെ സ്ഥാനാർത്ഥിയാക്കാൻ തീരുമാനിച്ചത് ബിജെപിയെ സഹായിക്കാനാണെന്നും പാലക്കാട് ഉപതിരഞ്ഞെടുപ്പിന് കാരണം സതീശന്റെ നിലപാടാണെന്നും സരിൻ ഗുരുതര ആരോപണം ഉന്നയിച്ചു. ബിജെപിയെ അല്ല സിപിഎമ്മിനെയാണ് എതിർക്കേണ്ടത് എന്നാണ് സതീശന്റെ നിലപാടെന്ന് അദ്ദേഹം പറഞ്ഞു.
കോൺഗ്രസ് പാർട്ടിയിൽ തീരുമാനങ്ങൾ നടപ്പിലാക്കുന്നത് സതീശൻ, ഷാഫി, രാഹുൽ എന്നിവരടങ്ങുന്ന മൂന്ന് അംഗ സംഘമാണെന്ന് സരിൻ വെളിപ്പെടുത്തി. രാഹുൽ മാങ്കൂട്ടത്തിൽ ഫോൺ വിളിച്ചു ഭീഷണിപ്പെടുത്തിയതായും സരിൻ ആരോപിച്ചു. ഉമ്മൻ ചാണ്ടിയുടെ പേര് ഉച്ചരിക്കാൻ രാഹുലിന് അവകാശമില്ലെന്നും നഗരസഭാ ഭരണം ബിജെപിക്ക് ഉറപ്പിക്കാൻ വോട്ടിനായി ഷാഫി രാഹുലുമായി ഡീൽ ഉണ്ടാക്കിയെന്നും സരിൻ കുറ്റപ്പെടുത്തി. കോൺഗ്രസിൽ മണിയടി രാഷ്ട്രീയം പകർന്നു നൽകുന്നതിന്റെ വക്താവാണ് രാഹുലെന്നും പാലക്കാട്ടുകാർ ഷോ ഓഫ്‌ കണ്ടു മടുത്തുവെന്നും സരിൻ വിമർശിച്ചു.
Story Highlights: P Sarin criticizes VD Satheesan and Rahul Mamkootathil, accusing them of weakening Congress and helping BJP
