Baba Siddique Murder: Month-Long Planning, Two Suspects Arrested

മഹാരാഷ്ട്രയിലെ മുതിർന്ന എൻസിപി നേതാവ് ബാബാ സിദ്ദിഖിയുടെ കൊലപാതകം ഒരു മാസത്തിലധികം നീണ്ട ആസൂത്രണത്തിന്റെ ഫലമായിരുന്നു. പ്രതികൾ ഓട്ടോയിൽ എത്തി, ബാബാ സിദ്ദിഖി വരുന്നതുവരെ കാത്തിരുന്നു എന്നാണ് മൊഴി. ഇന്നലെ രാത്രി നാല് റൗണ്ട് വെടിയുതിർത്താണ് കൊലപാതകം നടത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജയദശമി ആഘോഷങ്ങളുടെ ഭാഗമായി ആളുകൾ പടക്കം പൊട്ടിക്കുന്നതിനിടെയായിരുന്നു സംഭവം. ബാന്ദ്രാ ഈസ്റ്റിൽ മകനും എംഎൽഎയുമായ സീഷന്റെ ഓഫീസിനടുത്താണ് കൊലപാതകം നടന്നത്. നെഞ്ചിൽ വെടിയേറ്റ ബാബാ സിദ്ദിഖിയെ ഉടൻ ലീലാവതി ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാനായില്ല.

കേസിൽ മൂന്ന് പ്രതികൾ ഉൾപ്പെട്ടിട്ടുണ്ടെന്നാണ് നിഗമനം. രണ്ട് പ്രതികളെ കസ്റ്റഡിയിലെടുത്തിട്ടുണ്ട്. മൂന്നാമനായി അന്വേഷണം ഊർജിതമാക്കിയിട്ടുണ്ട്.

15 ദിവസങ്ങൾക്ക് മുമ്പ് ബാബാ സിദ്ദിഖിക്ക് വധഭീഷണി ലഭിച്ചിരുന്നു. ലോറൻസ് ബിഷ്ണോയി ഉൾപ്പെടെയുള്ള ഗുണ്ടാസംഘങ്ങൾ സംശയനിഴലിലാണ്. ഷാരൂഖ് ഖാൻ, സൽമാൻ ഖാൻ അടക്കം ബോളിവുഡ് താരങ്ങളുമായി അടുത്ത ബന്ധമുണ്ടായിരുന്ന നേതാവായിരുന്നു ബാബാ സിദ്ദിഖി.

ജ്യോത്സ്യനെ കണ്ടാൽ എന്താണ് പ്രശ്നം? എ.കെ. ബാലന്റെ പ്രതികരണം ശ്രദ്ധേയമാകുന്നു

മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ അറിയിച്ചതനുസരിച്ച്, അറസ്റ്റിലായ രണ്ടുപേരിൽ ഒരാൾ ഉത്തർപ്രദേശിൽ നിന്നും മറ്റൊരാൾ ഹരിയാനയിൽ നിന്നുമാണ്. മൂന്നാമൻ ഒളിവിലാണെന്നും ഉടൻ പിടിയിലാകുമെന്നും അദ്ദേഹം പറഞ്ഞു.

Story Highlights: Assassination of Baba Siddique took more than a month of planning, suspects arrested from UP and Haryana

റായ്ഗഡിൽ 4 വയസ്സുകാരിയെ കൊലപ്പെടുത്തി വനത്തിൽ തള്ളി; ഒരു വർഷത്തിനു ശേഷം ബന്ധുക്കൾ പിടിയിൽ