ട്വന്റിഫോർ പ്രേക്ഷകരുടെ ആലപ്പുഴ ജില്ലാ സമ്മേളനം ഇന്ന് പുന്നമടയിലെ ഹോട്ടൽ റമദയിൽ നടക്കും. രാവിലെ 11 മണി മുതൽ വൈകിട്ട് 5 വരെ നീളുന്ന പരിപാടിയിൽ ട്വന്റിഫോറിലെ ജനപ്രിയ അവതാരകരും ഫ്ളവേഴ്സിലെ മിന്നു താരങ്ങളും പങ്കെടുക്കും. സമ്മേളനത്തിന്റെ ഒരുക്കങ്ങൾ എല്ലാം പൂർത്തിയായിട്ടുണ്ട്. ട്വന്റിഫോർ കണക്ടിന്റെ ആഭിമുഖ്യത്തിലാണ് ജില്ലാ സമ്മേളനം നടക്കുന്നത്.
പ്രേക്ഷക ലക്ഷങ്ങളാൽ വൻവിജയം നേടിയ ട്വന്റിഫോർ പ്രേക്ഷകരുടെ സംസ്ഥാനസമ്മേളനത്തിന് ശേഷമാണ് കേരളത്തിന്റെ ഓരോ ജില്ലകളിലും ട്വന്റിഫോർ പ്രേക്ഷകരുടെ ജില്ലാ സമ്മേളനം ആരംഭിച്ചത്. സമ്മേളനത്തിന്റെ വിളംബരവുമായി ബൈക്ക് റാലി ആലപ്പുഴയിൽ നടന്നിരുന്നു. ആദ്യ ജില്ലാ സമ്മേളനം മലപ്പുറത്തും രണ്ടാമത്തേത് വയനാട്ടിലുമായിരുന്നു നടന്നത്.
വയനാട് ജില്ലാ സമ്മേളനം ഉരുൾപ്പൊട്ടിയ ചൂരൽമല, മുണ്ടക്കൈ നിവാസികൾക്ക് കൈത്താങ്ങായാണ് സംഘടിപ്പിച്ചത്. ഇപ്പോൾ മൂന്നാമത്തെ ജില്ലാ സമ്മേളനമാണ് ആലപ്പുഴയിൽ നടക്കുന്നത്. ട്വന്റിഫോർ പ്രേക്ഷകരെ ഒരുമിപ്പിക്കുന്നതിനും അവരുടെ അഭിപ്രായങ്ങൾ കേൾക്കുന്നതിനുമുള്ള വേദിയായി ഈ സമ്മേളനങ്ങൾ മാറുകയാണ്.
Story Highlights: 24 News viewers’ district conference to be held in Alappuzha today with popular anchors and Flowers TV stars
