കുഞ്ചാക്കോ ബോബൻ ഫഹദ് ഫാസിലിനെക്കുറിച്ച് പുതിയ വെളിപ്പെടുത്തൽ നടത്തി. ഒരു അഭിമുഖത്തിലാണ് താരം ഇക്കാര്യം പറഞ്ഞത്. ഫഹദില്‍ തന്റെ ബെറ്റര്‍ വേര്‍ഷന്‍ കാണാന്‍ സാധിച്ചിട്ടുണ്ടെന്ന് കുഞ്ചാക്കോബോബൻ പറഞ്ഞു. ബോഗെയ്ന്‍വില്ലയില്‍ ഫഹദുമായി ഉണ്ടായിരുന്ന ഗിവ് ആന്‍ഡ് ടേക്ക് പ്രോസസ് വളരെ ആസ്വദിച്ചിട്ടുള്ള ആളാണ് താനെന്നും അദ്ദേഹം കൂട്ടിച്ചേർത്തു.
ഷാനു സിനിമയില്‍ അഭിനയം തുടങ്ങുകയും പിന്നെ ഗ്യാപ്പെടുത്ത് തിരിച്ചു വരികയും ചെയ്ത ആളാണെന്നും, താനും അങ്ങനെ തന്നെയാണെന്നും കുഞ്ചാക്കോ ബോബൻ പറഞ്ഞു. തിരിച്ചുവന്നപ്പോള്‍ ഒരു അഭിനേതാവെന്ന നിലയില്‍ ഫഹദ് ഒരുപാട് മാറിയെന്നും, നമുക്ക് ഫോളോ ചെയ്യാന്‍ പറ്റുന്ന, ആഗ്രഹിക്കുന്ന തരത്തിലുള്ള നടനായി ഫഹദ് മാറിയതിൽ തനിക്ക് സന്തോഷമുണ്ടെന്നും അദ്ദേഹം കൂട്ടിച്ചേർത്തു.
‘ടേക്ക് ഓഫ് സിനിമയിൽ താനും ഷാനുവും ഉണ്ടായിരുന്നു എങ്കിലും അത് ഒരു ഷോട്ടില്‍ അങ്ങോട്ടുമിങ്ങോട്ടും പാസ് ചെയ്ത് പോകുന്നത് മാത്രമാണ് എന്നും കുഞ്ചാക്കോ ബോബൻ പറഞ്ഞു. ഞങ്ങള്‍ക്ക് രണ്ടുപേര്‍ക്കും സിനിമയിൽ ഒരു ഗ്യാപ്പ് ഉണ്ടായിട്ടുണ്ടെന്നും അദ്ദേഹം കൂട്ടിച്ചേർത്തു.
Story Highlights: Kunchacko Boban praises Fahadh Faasil’s growth as an actor, calling him a better version of himself.
