മുംബൈയിൽ ഈ വർഷം ആരംഭിച്ച മൃഗാശുപത്രി രത്തൻ ടാറ്റയുടെ കരുണയുടെ മറ്റൊരു ഉദാഹരണമാണ്. മനുഷ്യർക്ക് വേണ്ടി മാത്രമല്ല, തെരുവുനായകൾക്കും രോഗാവസ്ഥയിലുള്ള മൃഗങ്ങൾക്കും വേണ്ടി അദ്ദേഹത്തിന്റെ കരുണയുടെ കരങ്ങൾ എന്നും നീണ്ടിരുന്നു. സമൂഹമാധ്യമമായ എക്സിൽ 13 ദശലക്ഷം ആളുകൾ രത്തൻ ടാറ്റയെ പിന്തുടരുന്നത് അദ്ദേഹത്തോടുള്ള ആരാധന കാണിക്കുന്നു.
രത്തൻ ടാറ്റ എന്ന വ്യവസായിയെ ആരും വെറുക്കുന്നില്ല. വൻ വ്യവസായ സാമ്രാജ്യത്തിന്റെ അധിപനായിരിക്കെ തന്നെ മനുഷ്യത്വത്തിന് അദ്ദേഹം പ്രഥമ പരിഗണന നൽകി. സമ്പത്തിന്റെ പാതിയിലേറെയും ജീവകാരുണ്യ പ്രവർത്തനങ്ങൾക്കായി മാറ്റിവെച്ചു. ടാറ്റാ ട്രസ്റ്റിലൂടെ സമ്പത്തിന്റെ ഏകദേശം 66 ശതമാനം ജീവകാരുണ്യപ്രവർത്തനങ്ങൾക്കായി നീക്കിവെച്ചു.
ഒരു ആഭ്യന്തര ബ്രാൻഡിൽ നിന്ന് ലോകത്തെ മുൻനിര കമ്പനിയിലേക്ക് ടാറ്റ ഗ്രൂപ്പിനെ വളർത്തിയത് രത്തൻ ടാറ്റയാണ്. ഉപ്പ് മുതൽ ഐടി വരെ വ്യാപിച്ചുകിടക്കുന്ന ഈ വ്യവസായ സാമ്രാജ്യം കോടാനുകോടി രൂപയുടെ ലാഭം നേടുന്നു. എന്നിട്ടും ലോക സമ്പന്നരുടെ പട്ടികയിൽ ആദ്യ നൂറിൽ പോലും രത്തൻ ടാറ്റ ഇല്ല. ഇത് അദ്ദേഹത്തിന്റെ മനുഷ്യസ്നേഹത്തിന്റെയും ലളിതജീവിതത്തിന്റെയും തെളിവാണ്. താജിൽ വെടിയേറ്റ് വീണ ജീവനക്കാരുടെ കുടുംബത്തെ ഏറ്റെടുത്തതുപോലെ നിരവധി ജീവകാരുണ്യ പ്രവർത്തനങ്ങൾ അദ്ദേഹം നടത്തിയിട്ടുണ്ട്.
Story Highlights: Ratan Tata prioritized humanity while leading a vast business empire, dedicating over half his wealth to charitable causes.
