ചൂരൽമല സ്വദേശിയായ വാസുവിന്റെ ജീവിതം ഉരുൾപൊട്ടലിൽ കീഴ്മേൽ മറിഞ്ഞു. ആക്രി കച്ചവടം നടത്തി കുടുംബം പുലർത്തിയിരുന്ന അദ്ദേഹത്തിന്റെ ഏക ആശ്രയമായിരുന്ന പെട്ടി ഓട്ടോറിക്ഷ ദുരന്തത്തിൽ തകർന്നു. ജീവിതം വഴിമുട്ടിയ അവസ്ഥയിലായ വാസുവിന് സഹായഹസ്തവുമായി ട്വന്റിഫോർ ന്യൂസ് എത്തി.
വാസുവിന്റെ ദുരിതം അറിഞ്ഞ ട്വന്റിഫോർ ന്യൂസ് അമേരിക്കൻ പ്രതിനിധി മധു കൊട്ടാരക്കര, അദ്ദേഹത്തിന് പുതിയ പെട്ടി ഓട്ടോറിക്ഷ സമ്മാനിക്കാൻ തീരുമാനിച്ചു. ഫ്ളവേഴ്സ് ഫാമിലി ചാരിറ്റബിൾ സൊസൈറ്റിയും ട്വന്റിഫോർ കണക്ടും ചേർന്നാണ് ഈ സഹായം നൽകിയത്.
ഓണത്തിന് മുൻപ് സഹായമെത്തിക്കുമെന്ന വാഗ്ദാനം പാലിച്ച് സെപ്റ്റംബർ 10-ന് വാസുവിന് പുതിയ ഓട്ടോറിക്ഷയുടെ താക്കോൽ കൈമാറി. ഇതോടെ കുടുംബത്തോടൊപ്പം ജീവിതം വീണ്ടും തിരികെ പിടിച്ച് അതിജീവിക്കാനുള്ള വാസുവിന്റെ പരിശ്രമങ്ങൾക്ക് പുതിയ ഊർജം ലഭിച്ചു.
Story Highlights: Vasu, a resident of Churalmala, receives new auto-rickshaw from TwentyFour News after losing livelihood in landslide
