അല്ലു അർജുന്റെ പാൻ ഇന്ത്യ ചിത്രമായ ‘പുഷ്പ 2’ന്റെ ഏറ്റവും പുതിയ അപ്‌ഡേറ്റ് അണിയറ പ്രവർത്തകർ പുറത്തുവിട്ടിരിക്കുകയാണ്. ചിത്രത്തിന്റെ ആദ്യ പകുതി പൂർത്തിയായതായി അറിയിച്ചുകൊണ്ട് ‘ഫസ്റ്റ് ഹാഫ് ലോക്ക്ഡ്, ലോഡഡ് ആൻഡ് പാക്ക്ഡ് വിത്ത് ഫയർ’ എന്ന തലക്കെട്ടോടെ ഒരു സ്പെഷ്യൽ പോസ്റ്റർ പുറത്തുവിട്ടു. ഡിസംബർ ആറിനാണ് ‘പുഷ്പ 2 ദി റൂൾ’ റിലീസ് ചെയ്യുന്നത്. ഒന്നാം ഭാഗത്തിന് സമാനമായി രണ്ടാം ഭാഗവും തിയേറ്ററുകളെ ഇളക്കി മറിക്കുമോ എന്ന ആകാംക്ഷയിലാണ് അല്ലു ആരാധകർ.
2021ൽ പുറത്തിറങ്ങിയ ‘പുഷ്പ’ വമ്പൻ ഹിറ്റായിരുന്നു. ചിത്രത്തിലെ പ്രകടനത്തിന് അല്ലു അർജുന് മികച്ച നടനുള്ള പുരസ്കാരം അടക്കം രണ്ട് ദേശീയ ചലച്ചിത്ര പുരസ്കാരങ്ങളും ഏഴ് സംസ്ഥാന ചലച്ചിത്ര പുരസ്കാരങ്ങളും ലഭിച്ചിരുന്നു. ചിത്രത്തിലെ ഗാനങ്ങളും ഡയലോഗുകളും നൃത്തച്ചുവടുകളുമെല്ലാം ഹിറ്റായിരുന്നു. ഫഹദ് ഫാസിലിന്റെ മിന്നും പ്രകടനവും ഏറെ ചർച്ച ചെയ്യപ്പെട്ടിരുന്നു.
‘പുഷ്പ 2’ന്റെ കഥയിൽ ഇനി വരുന്ന ട്വിസ്റ്റുകൾക്കുള്ള കട്ട വെയിറ്റിങ്ങിലാണ് ഏവരും. ആദ്യ ഭാഗത്തിന്റെ വിജയത്തിന് ശേഷം, രണ്ടാം ഭാഗവും സമാന പ്രതികരണം നേടുമോ എന്നതിൽ ആരാധകർ ഉത്സുകരാണ്. ചിത്രത്തിന്റെ ബാക്കി ഭാഗങ്ങളുടെ ഷൂട്ടിങ് പുരോഗമിക്കുന്നതായി സൂചനകളുണ്ട്.
Story Highlights: Allu Arjun’s pan-India film Pushpa 2 completes first half of shooting, special poster released
