മുപ്പത് വർഷത്തെ കാത്തിരിപ്പിനൊടുവിൽ സിനിമാ പ്രേമികൾക്ക് സന്തോഷ വാർത്തയുമായി സൂപ്പർസ്റ്റാർ രജനികാന്തും സംവിധായകൻ മണിരത്‌നവും വീണ്ടും ഒന്നിക്കുന്നു. ഇരുവരും ഒരുമിച്ച് അവസാനമായി അഭിനയിച്ച കൾട്ട് ക്ലാസിക് ചിത്രമായ ‘ദളപതി’ക്ക് ശേഷമുള്ള ഈ സഹകരണം സിനിമാലോകത്തെ ചർച്ചയാണ്.
പുതിയ ചിത്രത്തിന്റെ പ്രഖ്യാപനം ഈ വർഷം ഡിസംബർ 12-ന്, രജനീകാന്തിന്റെ പിറന്നാളിന് ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്. മഹാഭാരതത്തിലെ കർണനെ പുതിയൊരു വ്യാഖ്യാനമായി അവതരിപ്പിച്ച ‘ദളപതി’ തമിഴ് സിനിമാ ആരാധകർ മാത്രമല്ല, രാജ്യം മുഴുവൻ ഏറ്റെടുത്ത ചിത്രമായിരുന്നു.
ഇരുവരും വീണ്ടും ഒന്നിക്കുന്നതിനെ പ്രതീക്ഷയോടെ കാത്തിരുന്നവർക്ക് ഈ വർഷം തന്നെ അത്തരമൊരു സന്തോഷവാർത്ത കേൾക്കാൻ കഴിയുമെന്ന് ദേശീയ മാധ്യമങ്ങൾ അടക്കം റിപ്പോർട്ട് ചെയ്തിട്ടുണ്ട്. സിനിമാ പ്രേമികൾ ഈ സഹകരണത്തെ ആകാംക്ഷയോടെയാണ് കാത്തിരിക്കുന്നത്.
Story Highlights: Rajinikanth and Mani Ratnam to collaborate again after 30 years, announcement expected on December 12
