Elephant Escapes During Film Shoot in Kothamangalam, Search Continues

കോതമംഗലത്ത് തെലുങ്ക് സിനിമയുടെ ഷൂട്ടിങ്ങിനായി എത്തിച്ച ആനകൾ തമ്മിൽ ഏറ്റുമുട്ടിയതിനെ തുടർന്ന് ഒരു ആന കാട്ടിലേക്ക് കയറിപ്പോയി. തുണ്ടം ഫോറസ്റ്റ് സ്റ്റേഷന് സമീപത്താണ് സംഭവം നടന്നത്. പരുക്കേറ്റ പുതുപ്പള്ളി സാധു എന്ന ആനയാണ് കാട്ടിലേക്ക് കയറിപ്പോയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വനം വകുപ്പ് ഉദ്യോഗസ്ഥരും പാപ്പാൻമാരും ചേർന്ന് നടത്തിയ തിരച്ചിലിൽ ആനയെ കണ്ടെത്താനായില്ല. തിരച്ചിൽ താൽക്കാലികമായി നിർത്തിവെച്ചിരിക്കുകയാണ്. എന്നാൽ രാത്രി നിരീക്ഷണം തുടരും.

രാവിലെ 6. 30 ന് 60 പേരടങ്ങുന്ന സംഘം തിരച്ചിൽ ദൗത്യം പുനരാരംഭിക്കാനാണ് തീരുമാനിച്ചിരിക്കുന്നത്. പുതുപ്പള്ളി സാധുവിനോട് ഏറ്റുമുട്ടിയ മറ്റൊരു ആന കാട്ടിലേക്ക് കയറിയെങ്കിലും പിന്നീട് തിരിച്ച് വന്നു.

മറ്റ് ആനകളെ വാഹനത്തിൽ കയറ്റി തിരികെ കൊണ്ടുപോയി. ഒരാഴ്ചയായി വടാട്ടുപാറയിൽ ഷൂട്ടിംഗ് നടക്കുന്നുണ്ട്. മൂന്ന് പിടിയാനയെയും രണ്ടു കൊമ്പനാനകളെയുമാണ് ഷൂട്ടിങ്ങിന് എത്തിച്ചത്.

റിസർവ് ഫോറസ്റ്റിലേക്ക് കയറിപ്പോയ ആനയെ കണ്ടെത്താനായി വനം വകുപ്പ് ഉദ്യോഗസ്ഥരും പാപ്പാൻമാരും റിസർവ് ഫോറസ്റ്റിലേക്ക് പോയെങ്കിലും ആനയെ കണ്ടെത്താനായില്ല. തിരച്ചിൽ തുടരുകയാണ്.

അട്ടപ്പാടിയിൽ കടുവ സെൻസസിനിടെ കാട്ടാന ആക്രമണത്തിൽ വനം വകുപ്പ് ജീവനക്കാരൻ കൊല്ലപ്പെട്ടു

Story Highlights: Elephant escapes into forest during film shooting in Kothamangalam, search operation underway