ബിഗ് ബോസിന്റെ ഹിന്ദി പതിപ്പിലൂടെ ശ്രദ്ധേയനായ സോഷ്യൽ മീഡിയ ഇൻഫ്ലുവൻസർ അദ്നാൻ ഷെയ്ഖിന്റെ വിവാഹത്തെക്കുറിച്ച് പുതിയ വെളിപ്പെടുത്തലുകൾ പുറത്തുവന്നിരിക്കുകയാണ്. കഴിഞ്ഞയാഴ്ച നടന്ന വിവാഹത്തിൽ വധു മുഖം മറച്ച് മാസ്ക് ധരിച്ചാണ് പങ്കെടുത്തത്. എന്നാൽ ഇപ്പോൾ അദ്നാന്റെ സഹോദരി ഇഫത്ത് ഗുരുതരമായ ആരോപണങ്ങളാണ് ഉന്നയിക്കുന്നത്.
അദ്നാന്റെ ഭാര്യയുടെ യഥാർത്ഥ പേര് റിദ്ധി ജാദവ് എന്നാണെന്നും, എയർഹോസ്റ്റസ് ആയിരുന്ന യുവതി അദ്നാനെ വിവാഹം ചെയ്യാനായി മതം മാറുകയായിരുന്നുവെന്നും ഇഫത്ത് വെളിപ്പെടുത്തി. കഴിഞ്ഞ നവംബറിൽ തന്നെ വിവാഹം കഴിഞ്ഞതാണെന്നും, ഹിജാബ് ധരിക്കുന്നത് എങ്ങനെയാണെന്ന് താനാണ് റിദ്ധിയെ പഠിപ്പിച്ചതെന്നും ഇഫത്ത് പറയുന്നു. വധുവിന്റെ മതം മാറ്റിയെന്ന ആരോപണത്തോടൊപ്പം മതം മാറുന്നതിന് മുമ്പുള്ള ചിത്രങ്ങളും അദ്നാന്റെ സഹോദരി പങ്കുവച്ചിട്ടുണ്ട്.
ഇഫത്തും റിദ്ധിയും അടുത്ത സുഹൃത്തുക്കളായിരുന്നുവെന്നും, പല രഹസ്യങ്ങളും അവർക്കിടയിൽ കൈമാറിയിരുന്നുവെന്നും വെളിപ്പെടുത്തി. എന്നാൽ റിദ്ധി ഈ രഹസ്യങ്ങൾ അദ്നാനുമായി പങ്കുവച്ചതോടെ അവർക്കിടയിൽ പ്രശ്നങ്ങൾ തുടങ്ങി. തുടർന്ന് അദ്നാൻ തന്നെയും ഭർതൃപിതാവിനെയും മർദിച്ചുവെന്നും ഇഫത്ത് ആരോപിക്കുന്നു. ദീർഘകാലമായി പ്രണയത്തിലായിരുന്ന ആയിഷയാണ് അദ്നാന്റെ വധുവെന്നാണ് നേരത്തെ അറിയപ്പെട്ടിരുന്നത്. എന്നാൽ വിവാഹത്തിന് മുന്നോടിയായുള്ള ഹൽദി ചടങ്ങിന്റെ ചിത്രങ്ങളിൽ വധുവിന്റെ മുഖം ഇമോജി ഉപയോഗിച്ച് മറച്ചിരുന്നു.
Story Highlights: Adnan Sheikh’s sister reveals controversial details about his marriage, including allegations of religious conversion and identity concealment.
