ഭൂമിയുടെ ആകർഷണ വലയത്തിലേക്ക് എത്തിച്ചേർന്ന കുഞ്ഞൻ ചന്ദ്രൻ അഥവാ മിനിമൂൺ എന്നറിയപ്പെടുന്ന വസ്തു യഥാർത്ഥത്തിൽ 2024 പിടി5 എന്ന ശാസ്ത്രീയനാമമുള്ള ഒരു ചെറിയ ഛിന്നഗ്രഹമാണ്. കഴിഞ്ഞമാസം ആസ്ട്രോയ്ഡ് ടെറസ്ട്രിയൽ ഇംപാക്ട് അലർട് സിസ്റ്റത്തിന്റെ ടെലിസ്കോപ്പിലാണ് ഇത് ആദ്യമായി കണ്ടെത്തിയത്. അർജുന ബെൽറ്റ് എന്ന ഛിന്നഗ്രഹമേഖലയിൽ പെട്ട ഈ വസ്തു, സൗരയൂഥത്തിൽ കാണപ്പെടുന്ന പ്രത്യേകതരം ഛിന്നഗ്രഹങ്ങളുടെ ഭാഗമാണ്.
നിയർ എർത്ത് ഓബ്ജക്ട്സ് എന്നറിയപ്പെടുന്ന, ഭൂമിയ്ക്ക് സമീപം സ്ഥിതി ചെയ്യുന്ന വസ്തുക്കളാണ് അർജുന ബെൽറ്റിലുള്ളത്. ഇവയ്ക്ക് ഭൂമിയോട് സാമ്യമുള്ള ഭ്രമണപഥങ്ങളും ഒരു വർഷം ദൈർഘ്യമുള്ള ഭ്രമണപഥ സമയങ്ങളുമുണ്ട്. മഹാഭാരതത്തിലെ അർജുനനിൽ നിന്നാണ് ഈ മേഖലയ്ക്ക് പേരു ലഭിച്ചത്. കഴിഞ്ഞ രണ്ട് പതിറ്റാണ്ടുകളിലെ നിരീക്ഷണങ്ങളിലൂടെയാണ് ഈ ഛിന്നഗ്രഹമേഖല വെളിപ്പെട്ടത്. 50 മീറ്ററിൽ താഴെ വ്യാസമുള്ള ഛിന്നഗ്രഹങ്ങളാണ് ഇതിലുള്ളത്.
ശാസ്ത്രജ്ഞർ വളരെയേറെ പ്രാധാന്യം നൽകുന്ന അർജുന ബെൽറ്റ്, റോബട്ടിക്, സാംപിൾ റിട്ടേൺ ദൗത്യങ്ങൾക്കും ഭാവിയിലെ ബഹിരാകാശ ഒബ്സർവേറ്ററികൾക്കും അനുയോജ്യമായ ലക്ഷ്യസ്ഥാനങ്ങളാണ്. എന്നാൽ, ഇവയ്ക്ക് ഭൂമിയുമായി കൂട്ടിയിടി നടക്കാനുള്ള വിദൂര സാധ്യതകളും നിലനിൽക്കുന്നു. ഭൂമിയെ മൊത്തത്തിൽ നശിപ്പിക്കാൻ കഴിവില്ലെങ്കിലും, തദ്ദേശീയമായി കടുത്ത നാശനഷ്ടങ്ങൾ ഉണ്ടാക്കാനുള്ള ശേഷി ഈ ചെറിയ ഛിന്നഗ്രഹങ്ങൾക്കുണ്ട്.
Story Highlights: Earth’s second moon, a small asteroid named 2024 PT5, has entered Earth’s gravitational field and will be visible from next week.
