Kerala Schools Closed on October 11 for Navratri Celebrations

സംസ്ഥാനത്തെ എല്ലാ സ്കൂളുകൾക്കും നവരാത്രി ആഘോഷങ്ങളുടെ ഭാഗമായി ഒക്ടോബർ 11ന് അവധി പ്രഖ്യാപിച്ചിരിക്കുകയാണ് വിദ്യാഭ്യാസ വകുപ്പ്. പൊതുവിദ്യാഭ്യാസ ഡയറക്ടർ ഇതുസംബന്ധിച്ച ഉത്തരവ് പുറത്തിറക്കി. വിദ്യാഭ്യാസ മന്ത്രി വി ശിവൻകുട്ടി നേരത്തെ തന്നെ ഈ തീരുമാനം അറിയിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അധ്യാപക സംഘടനയായ നാഷണൽ ടീച്ചേഴ്സ് യൂണിയൻ നൽകിയ നിവേദനത്തിന്റെ അടിസ്ഥാനത്തിലാണ് ഈ തീരുമാനമെടുത്തത്. ഇത്തവണ ഒക്ടോബർ 10ന് വൈകുന്നേരമാണ് പൂജവെയ്പ് നടക്കുന്നത്. സാധാരണ ദുർഗാഷ്ടമി ദിവസം സന്ധ്യയ്ക്കാണ് പൂജ വയ്ക്കുന്നതെങ്കിലും ഇത്തവണ രണ്ടു ദിവസങ്ങളിലായി സൂര്യോദയത്തിന് തൃതീയ വരുന്നതിനാലാണ് ഈ മാറ്റം.

11, 12 തീയതികളിൽ ദുർഗാഷ്ടമി, മഹാനവമി പൂജകൾ നടക്കും. തുടർന്ന് 13ന് രാവിലെയാണ് വിജയദശമി പൂജ നടക്കുന്നത്. ഈ സാഹചര്യത്തിലാണ് ഒക്ടോബർ 11ന് കൂടി അവധി നൽകണമെന്ന് ആവശ്യപ്പെട്ട് അധ്യാപക സംഘടന വിദ്യാഭ്യാസ മന്ത്രിക്ക് നിവേദനം നൽകിയത്.

ഹിമാചലിൽ ഒന്നാം ക്ലാസ് വിദ്യാർത്ഥിക്ക് ക്രൂര പീഡനം; പാന്റിൽ തേളിനെയിട്ട് അധ്യാപകരുടെ മർദ്ദനം

ഇതിന്റെ അടിസ്ഥാനത്തിൽ സംസ്ഥാനത്തെ സ്കൂളുകൾക്ക് ഒക്ടോബർ 11 വെള്ളിയാഴ്ച കൂടി അവധി നൽകാൻ തീരുമാനിച്ചു. ഇതുസംബന്ധിച്ച ഉത്തരവ് വൈകിട്ടോടെയാണ് പുറത്തിറക്കിയത്.

Story Highlights: Kerala Education Department announces Navratri holiday for all schools on October 11

എസ്എസ്കെ ഫണ്ടിന്റെ ആദ്യ ഗഡു ലഭിച്ചു; കേന്ദ്ര വിദ്യാഭ്യാസ മന്ത്രിയെ 10-ന് കാണും: മന്ത്രി വി. ശിവൻകുട്ടി