ADGP MR Ajith Kumar visits temples amid RSS meeting controversy

വിവാദങ്ങൾക്കിടയിലും എഡിജിപി എംആർ അജിത് കുമാർ ശത്രുസംഹാര വഴിപാട് നടത്തി. ഇന്ന് പുലർച്ചെ അഞ്ചോടെ കണ്ണൂർ മാടായിക്കാവിലെത്തിയാണ് അദ്ദേഹം വഴിപാട് നടത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തുടർന്ന് തളിപ്പറമ്പ് രാജരാജേശ്വര ക്ഷേത്രത്തിലും കാഞ്ഞിരങ്ങാട് വൈദ്യനാഥ ക്ഷേത്രത്തിലും എഡിജിപി ദർശനം നടത്തി. രാജരാജേശ്വര ക്ഷേത്രത്തിൽ പട്ടുംതാലി, നെയ് വിളക്ക്, പുഷ്പാഞ്ജലി എന്നീ വഴിപാടുകളും വൈദ്യനാഥ ക്ഷേത്രത്തിൽ ജലധാര, ക്ഷീരധാര, ആൾരൂപം, പുഷ്പാഞ്ജലി, നെയ് വിളക്ക് എന്നീ വഴിപാടുകളും കഴിച്ചശേഷമാണ് എഡിജിപി മടങ്ങിയത്.

ഈ സമയത്ത്, എഡിജിപിയും ആർഎസ്എസ് നേതാവ് ദത്താത്രേയ ഹൊസബലേയും തമ്മിലുള്ള കൂടിക്കാഴ്ച സ്ഥിരീകരിച്ച് ആർഎസ്എസ് നേതാവ് എ. ജയകുമാർ രംഗത്തെത്തി.

കേരളത്തിൽ ഇത് ആദ്യമായല്ല ഉന്നത ഉദ്യോഗസ്ഥർ ആർഎസ്എസ് നേതാക്കളെ കാണുന്നതെന്നും, മുൻപും നിരവധി പേർ കൂടിക്കാഴ്ച നടത്തിയിട്ടുണ്ടെന്നും ജയകുമാർ കൂട്ടിച്ചേർത്തു. ഈ വെളിപ്പെടുത്തൽ വിവാദങ്ങൾക്ക് ഇടയാക്കിയിട്ടുണ്ട്.

അതേസമയം, ‘എഡിജിപി – ആർഎസ്എസ് നേതാക്കളുമായി കൂടിക്കാഴ്ച നടത്തിയത് മുഖ്യമന്ത്രിയുടെ ദൂതനായി’ എന്ന ആരോപണം പ്രതിപക്ഷ നേതാവ് വിഡി സതീശൻ ആവർത്തിച്ചിട്ടുണ്ട്.

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ

Story Highlights: ADGP MR Ajith Kumar performs rituals at temples amid controversy over meeting with RSS leaders

കടക്കൽ ക്ഷേത്രത്തിൽ ആർഎസ്എസ് ഗണഗീതം ആലപിച്ചതിനെതിരെ പരാതി