CPIM Considers Independent Candidate for Palakkad By-election

പാലക്കാട് ഉപതെരഞ്ഞെടുപ്പിൽ സിപിഐഎം പുതിയ തന്ത്രം പരീക്ഷിക്കുന്നു. പൊതുസ്വീകാര്യതയുള്ള സ്വതന്ത്രസ്ഥാനാർഥിയെ നിർത്താനാണ് പാർട്ടി ആലോചിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നർത്തകി മേതിൽ ദേവികയുമായി നേതൃത്വം ചർച്ച നടത്തിയെങ്കിലും അവർ മത്സരസന്നദ്ധത പ്രകടിപ്പിച്ചില്ല. സ്വതന്ത്രസ്ഥാനാർഥി ലഭിച്ചില്ലെങ്കിൽ യുവസ്ഥാനാർഥിയെ പരിഗണിക്കാനും പാർട്ടി തയ്യാറാണ്.

പുതിയ രാഷ്ട്രീയ സാഹചര്യത്തിൽ ഉപതെരഞ്ഞെടുപ്പുകളിൽ വിജയം ഉറപ്പാക്കുക സിപിഐഎമ്മിന് അഭിമാനപ്രശ്നമാണ്. പലതവണ കൈപൊള്ളിയതാണെങ്കിലും വീണ്ടും സ്വതന്ത്രരെ നിർത്തിയുള്ള പരീക്ഷണത്തിന് പാർട്ടി മുതിരുന്നത് ഈ സാഹചര്യത്തിലാണ്.

സ്വീകാര്യതയുള്ള പാർട്ടി പശ്ചാത്തലമുള്ളവരെയാണ് പ്രധാനമായും പരിഗണിക്കുന്നത്. ലോകസഭ തിരഞ്ഞെടുപ്പിലെ തോൽവിയുടെ ക്ഷീണം തീർക്കാൻ ഇടതുമുന്നണിക്ക് പാലക്കാട് വിജയിച്ചേ മതിയാകൂ.

അതിനാൽ ഏത് വിധേനയും മണ്ഡലം തിരിച്ചുപിടിക്കാൻ അരയും തലയും മുറുക്കി രംഗത്തിറങ്ങാനാണ് പാർട്ടി നിർദേശം. അനുയോജ്യയായ സ്വതന്ത്രസ്ഥാനാർത്ഥിയെ ലഭിച്ചില്ലെങ്കിൽ ഒരു യുവ മുഖത്തെ പാർട്ടി പരീക്ഷിക്കും.

സിപിഐഎം - ബിജെപി ഡീൽ ആരോപണം: ആനി അശോകനെ പുറത്താക്കി

Story Highlights: CPIM considers fielding independent candidate in Palakkad by-election, exploring new strategies to secure victory.

വൈഷ്ണയുടെ വോട്ടർപട്ടികയിലെ പ്രശ്നത്തിൽ സി.പി.ഐ.എമ്മിന് പങ്കില്ലെന്ന് വി.ജോയ്