Hezbollah chief's killing sparks protests in J&K, Mehbooba Mufti controversy

ലെബനനിലെ സായുധ സേന ഹിസ്ബുല്ലയുടെ തലവൻ ഹസൻ റസ്രള്ളയെ ഇസ്രയേൽ വധിച്ചതിൽ പ്രതിഷേധിച്ച് ജമ്മു കശ്മീരിൽ വ്യാപക പ്രതിഷേധം അരങ്ങേറി. ബെയ്റൂട്ടിൽ നടന്ന വ്യോമാക്രമണത്തിലാണ് ഹിസ്ബുല്ല തലവൻ കൊല്ലപ്പെട്ടത്. ഇസ്രയേലിന്റെ അവകാശവാദത്തിന് പിന്നാലെ ഹിസ്ബുല്ല ഇക്കാര്യം സ്ഥിരീകരിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബുദ്ഗാമിൽ നിരവധി പേർ പങ്കെടുത്ത പ്രതിഷേധ മാർച്ചിൽ ഹിസ്ബുല്ല തലവന്റെ ചിത്രം പതിച്ച പോസ്റ്ററുകൾ ഉയർത്തിക്കാട്ടി. ശ്രീനഗറിലെ ഓൾഡ് സിറ്റിയിലും സമാന പ്രതിഷേധം നടന്നു. മുൻ മുഖ്യമന്ത്രി മെഹബൂബ് മുഫ്തി ഹിസ്ബുല്ല തലവനെ രക്തസാക്ഷി എന്ന് വിളിച്ചത് വിവാദമായി.

നിയമസഭാ തെരഞ്ഞെടുപ്പ് പ്രചാരണത്തിൽ പിഡിപിയുടെ എല്ലാ പരിപാടികളും റദ്ദാക്കിക്കൊണ്ടാണ് അവർ ഈ പ്രസ്താവന നടത്തിയത്. ഗാസ, ലെബനൻ എന്നിവിടങ്ങളിലെ രക്തസാക്ഷികളോടും കടുത്ത പ്രതിസന്ധിയിലൂടെ കടന്നുപോകുന്ന അവിടുത്തെ ജനങ്ങളോടുള്ള ഐക്യദാർഢ്യമാണ് ഈ തീരുമാനത്തിന് പിന്നിലെന്നും അവർ വ്യക്തമാക്കി. വെള്ളിയാഴ്ച നടന്ന ആക്രമണത്തിൽ സീനിയർ ഇറാൻ ജനറൽ അബ്ബാസ് നിൽഫറോഷാൻ, ഹസ്സൻ നസ്രള്ളയുടെ മകൾ സൈനബ്, ഹിസ്ബുള്ള സതേൺ ഫ്രണ്ട് കമ്മാൻഡർ അലി കരകി എന്നിവരും കൊല്ലപ്പെട്ടിരുന്നു.

രാഹുൽ ഗാന്ധി ഭരണഘടന പഠിക്കണമെന്ന് രാജീവ് ചന്ദ്രശേഖർ

ഇസ്രയേലിന്റെ ഭാഗത്ത് നിന്നുള്ള തുടർച്ചയായ ആക്രമണങ്ങളിൽ ലെബനനിൽ മാത്രം ഇക്കഴിഞ്ഞ ദിവസങ്ങളിൽ 800 ഓളം പേർ കൊല്ലപ്പെട്ടിട്ടുണ്ട്. ഈ സംഭവങ്ങൾ മേഖലയിൽ സംഘർഷം വർധിപ്പിക്കുമെന്ന ആശങ്ക പരക്കെയുണ്ട്.

Story Highlights: Hezbollah chief’s killing sparks protests in Jammu and Kashmir, with former CM Mehbooba Mufti calling him a martyr.

ജമ്മു കശ്മീരിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ