Police order security for MLA P.V. Anvar's house in Edavanna

മലപ്പുറം ജില്ലാ പൊലീസ് മേധാവി പി. വി അൻവർ എംഎൽഎയുടെ എടവണ്ണയിലെ വീടിന് സുരക്ഷയൊരുക്കാൻ ഉത്തരവിട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അൻവർ ഡിജിപിക്ക് നൽകിയ പരാതിയിൽ ജീവനും സ്വത്തിനും ഭീഷണിയുണ്ടെന്നും പൊലീസ് സംരക്ഷണം വേണമെന്നും ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് തീരുമാനം.

സുരക്ഷക്കായി വീടിന് സമീപം പൊലീസ് പിക്കറ്റ് പോസ്റ്റ് ഒരുക്കും. 24 മണിക്കൂർ ഡ്യൂട്ടിക്ക് ഒരു ഓഫീസറെയും മൂന്ന് സിപിഒമാരെയും നിയോഗിച്ചു.

ഡിഎച്ച്ക്യൂവിൽ നിന്ന് രണ്ട് സേനാംഗങ്ങളെയും, നിലമ്പൂർ സബ് ഡിവിഷനിൽ നിന്ന് ഒരു ഓഫീസറെയും ഒരു സിപിഒയെയും, എടവണ്ണ പൊലീസ് സ്റ്റേഷനിൽ നിന്ന് ഒരു ഉദ്യോഗസ്ഥനെയും നിർബന്ധമായും നിയോഗിക്കണമെന്ന് ഉത്തരവിൽ പറയുന്നു. പിക്കറ്റ് പോസ്റ്റിന്റെ പ്രവർത്തനം നിലമ്പൂർ സബ് ഡിവിഷൻ ഓഫീസർ നിരീക്ഷിക്കുകയും ആവശ്യമായ നിർദേശങ്ങൾ നൽകുകയും ചെയ്യണമെന്നാണ് ഉത്തരവ്.

സ്റ്റേഷൻ നൈറ്റ് പട്രോൾ ഉദ്യോഗസ്ഥരും സബ്ഡിവിഷൻ ചെക്ക് ഉദ്യോഗസ്ഥരും പിക്കറ്റ് പോസ്റ്റ് പരിശോധിക്കണമെന്നും എസ്പിയുടെ ഉത്തരവിൽ പറയുന്നു.

ജനപ്രതിനിധികൾക്ക് സല്യൂട്ട് വേണ്ട; എം വിൻസന്റിന്റെ സബ്മിഷൻ നിയമസഭ തള്ളി

Story Highlights: Malappuram District Police Chief orders security for MLA P.V. Anvar’s house in Edavanna following threat complaint

മലപ്പുറത്ത് പച്ചക്കറി കടയിൽ നിന്ന് കഞ്ചാവും തോക്കുകളും പിടിച്ചെടുത്തു