സെപ്റ്റംബർ 16ന് അമേരിക്കയിലും കാനഡയിലും ‘നോർത്തേൺ ലൈറ്റ്സ്’ അഥവാ ‘ധ്രുവദീപ്‌തി’ (അറോറ) എന്ന പ്രകൃതി പ്രതിഭാസം വ്യാപകമായി ദൃശ്യമായി. സൂര്യനിൽ സെപ്റ്റംബർ 14ന് ഉണ്ടായ എക്‌സ്4.5 കാറ്റഗറിയിൽപ്പെട്ട അതിശക്തമായ സൗരജ്വാലയാണ് ഈ ദൃശ്യവിസ്മയത്തിന് കാരണമായത്. അതിശക്തമായ സൗരകൊടുങ്കാറ്റിനെ തുടർന്നാണ് ഈ പ്രതിഭാസം പ്രകടമായത്.
പ്രവചിച്ചതിനേക്കാൾ ആറ് മണിക്കൂർ വൈകിയാണ് ഈ ആകാശക്കാഴ്‌ച ദൃശ്യമായത്. അലാസ്കയിലാണ് ഈ പ്രതിഭാസം ഏറ്റവും സുന്ദരമായി കാണപ്പെട്ടത്. ഉറങ്ങാതെ നോർത്തേൺ ലൈറ്റ്സിനെ കാത്തിരുന്നവർക്ക് പ്രകൃതി ഒരുക്കിയ വൻ ദൃശ്യവിരുന്നായിരുന്നു ഇത്.
രാത്രിയിൽ ആകാശത്ത് പച്ച, പിങ്ക്, സ്കാർലറ്റ് എന്നീ നിറങ്ങളിൽ പ്രകാശ രശ്മികൾ കാണുന്നതിനെയാണ് നോർത്തേൺ ലൈറ്റ്സ് എന്ന് വിളിക്കുന്നത്. ആകാശകുതകികൾക്ക് ഈ ദൃശ്യവിരുന്നൊരുക്കിയ ധ്രുവദീപ്‌തി പ്രകൃതിയുടെ അത്ഭുതകരമായ പ്രതിഭാസമാണ്.
Story Highlights: Northern Lights visible in USA and Canada following intense solar flare
