Stalin Demands Protection for Rahul Gandhi After Threats

രാഹുൽ ഗാന്ധിക്കെതിരെ ശിവസേന ഷിൻഡെ വിഭാഗം നേതാവ് നടത്തിയ ഭീഷണിയിൽ ഞെട്ടൽ രേഖപ്പെടുത്തി തമിഴ്നാട് മുഖ്യമന്ത്രി എംകെ സ്റ്റാലിൻ. സാമൂഹ്യമാധ്യമമായ എക്സിൽ പങ്കുവച്ച പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാഹുൽ ഗാന്ധിക്ക് സംരക്ഷണം ഉറപ്പു വരുത്തണമെന്ന് സ്റ്റാലിൻ കേന്ദ്രത്തോട് ആവശ്യപ്പെട്ടു. രാഹുൽ ഗാന്ധിയുടെ മുത്തശ്ശിയുടെ അതേ വിധിയാണ് അദ്ദേഹത്തെയും കാത്തിരിക്കുന്നതെന്ന ഒരു ബിജെപി നേതാവിന്റെ ഭീഷണിയും, അദ്ദേഹത്തിന്റെ നാവ് അരിയുന്നവർക്ക് പാരിതോഷികം പ്രഖ്യാപിച്ചുകൊണ്ടുള്ള ഷിന്ദേ സേനാ എംഎൽഎയുടെ പരാമർശവും തന്നെ ഞെട്ടിച്ചതായി സ്റ്റാലിൻ പറഞ്ഞു.

രാഹുൽ ഗാന്ധിയുടെ വ്യക്തിപ്രഭാവവും വർദ്ധിച്ചുവരുന്ന ജനപിന്തുണയും പലരെയും അസ്വസ്ഥരാക്കിയിട്ടുണ്ടെന്നും, അതാണ് ഇത്തരം ഹീനമായ ഭീഷണികളിലേക്ക് നയിച്ചതെന്നും അദ്ദേഹം കൂട്ടിച്ചേർത്തു. അതേസമയം, രാഹുൽ ഗാന്ധിക്കെതിരെ എൻഡിഎ നേതാക്കൾ നടത്തിയ വിദ്വേഷ പരാമർശങ്ങളിൽ കോൺഗ്രസ് പോലീസിൽ പരാതി നൽകി.

കോൺഗ്രസ് നേതാവ് അജയ് മാക്കൻ ഡൽഹിയിലെ തുഗ്ലക്ക് റോഡ് പോലീസ് സ്റ്റേഷനിൽ എത്തി പരാതി നൽകി. ബിജെപി നേതാവ് തർവിന്ദർ സിങ്, ശിവസേന ഷിൻഡെ വിഭാഗം എംഎൽഎ സഞ്ജയ് ഗെയ്ക്വാദ്, കേന്ദ്ര മന്ത്രി രവ്നീത് സിങ് ബിട്ടു, ഉത്തർപ്രദേശ് മന്ത്രി രഘുരാജ് സിങ് എന്നിവർക്ക് എതിരെയാണ് പരാതി നൽകിയത്.

വിദേശ പ്രതിനിധികളുടെ സന്ദർശനത്തിൽ രാഹുൽ ഗാന്ധിയുടെ വിമർശനം

പ്രതിപക്ഷ നേതാവിന് സംരക്ഷണം ഉറപ്പാക്കാൻ കേന്ദ്രസർക്കാർ വേഗത്തിൽ ഇടപെടണമെന്നും, നമ്മുടെ ജനാധിപത്യത്തിൽ ഭയപ്പെടുത്തലിനും അക്രമത്തിനും സ്ഥാനമില്ലെന്ന് വീണ്ടും ഉറപ്പു വരുത്തണമെന്നും സ്റ്റാലിൻ ആവശ്യപ്പെട്ടു.

Story Highlights: Tamil Nadu CM MK Stalin expresses shock over threats against Rahul Gandhi, demands central protection

മൂന്നാറില് ബിജെപിക്ക് വേണ്ടി വോട്ട് ചോദിച്ചിട്ടില്ലെന്ന് എസ് രാജേന്ദ്രന്