Thiruvonathoni reaches Aranmula temple with Onam offerings

ആറന്മുള ക്ഷേത്രത്തിൽ തിരുവോണത്തോണി എത്തിച്ചേർന്നു. ആറന്മുളയപ്പന് സമർപ്പിക്കാനുള്ള വിഭവങ്ങളുമായാണ് തോണി എത്തിയത്. കാട്ടൂരിൽ നിന്ന് ദേശ പ്രമാണിമാരുടെ നേതൃത്വത്തിൽ ആചാരപൂർവ്വം പുറപ്പെട്ട തിരുവോണത്തോണി, വഞ്ചിപ്പാട്ടുപാടിയാണ് ശ്രീകോവിലേക്ക് ആനയിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സൂര്യോദയത്തിന് മുൻപ് ക്ഷേത്രത്തിന്റെ കടവിൽ തിരുവോണത്തോണി എത്തണമെന്നാണ് ആചാരം. കാട്ടൂർ ക്ഷേത്രത്തിൽനിന്നുള്ള ദീപവും ഓണവിഭവങ്ങളും ഭഗവാന് മുൻപിൽ സമർപ്പിക്കും. ഈ വിഭവങ്ങൾ കൊണ്ടാണ് ആറന്മുള ക്ഷേത്രത്തിൽ ഭഗവാന് സദ്യയൊരുക്കുക.

വിഭവങ്ങളുമായി എത്തിയ തിരുവോണത്തോണി ഉച്ചയോടെ മടങ്ങും. 52 കരകളിലെ ആളുകളാണ് ചടങ്ങിന്റെ ഭാഗമാവുക. ആറന്മുള ക്ഷേത്രത്തിൽ വൻ ഭക്തജനതിരക്കാണ് അനുഭവപ്പെടുന്നത്.

ക്ഷേത്രപരിസരത്ത് പൊലീസ് സുരക്ഷ ശക്തമാക്കിയിട്ടുണ്ട്. ഡ്രോൺ ഉൾപ്പെടെയുള്ള സുരക്ഷസംവിധാനങ്ങളാണ് ആറന്മുളയിൽ ഒരുക്കിയിരിക്കുന്നത്. തിരുവാറന്മുളയപ്പന് ഓണസദ്യയ്ക്കുള്ള വിഭവങ്ങളുമായി തിരുവോണത്തോണി ആറന്മുളയിലെത്തിയത് ഭക്തർക്ക് ആവേശകരമായ അനുഭവമാണ്.

കെപിസിസി സമ്പൂർണ്ണ പുനഃസംഘടനയ്ക്ക്; രണ്ട് മാസത്തിനുള്ളിൽ പുതിയ ടീം

Story Highlights: Thiruvonathoni reaches Aranmula temple with Onam offerings for Lord Aranmulappan

ആറന്മുള വാസ്തുവിദ്യാ ഗുരുകുലത്തിൽ പുതിയ കോഴ്സുകൾ; അപേക്ഷ മെയ് 20 വരെ