AMMA actors plan new trade union, causing internal conflict

അമ്മ സംഘടനയിലെ വിമത നീക്കങ്ങൾ താരങ്ങൾക്കിടയിൽ കടുത്ത അതൃപ്തിക്ക് കാരണമായിരിക്കുന്നു. സംഘടനയുടെ പ്രവർത്തനങ്ങളിൽ അസംതൃപ്തരായ 20 പേരാണ് ട്രേഡ് യൂണിയൻ രൂപീകരണത്തിലേക്ക് നീങ്ങിയത്. കൂടുതൽ അഭിനേതാക്കളെ ഒപ്പം നിർത്തി ഈ ആശയം ശക്തമായി മുന്നോട്ടു കൊണ്ടുപോകാനാണ് ഇവരുടെ തീരുമാനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, അമ്മക്ക് ബദലായി ട്രേഡ് യൂണിയൻ രൂപീകരിക്കുന്നത് സംഘടനയുടെ തകർച്ചയിലേക്ക് നയിക്കുമെന്നാണ് പൊതുവായ വിലയിരുത്തൽ. ഫെഫ്കയുമായി ചേർന്നു പ്രവർത്തിക്കാനുള്ള നീക്കം ഫെഫ്ക തുടക്കം തന്നെ തടഞ്ഞിരുന്നു. എന്നിരുന്നാലും, അമ്മ സംഘടനയുടെ നിലനിൽപ്പ് ചോദ്യം ചെയ്യാത്ത തരത്തിൽ ഔദ്യോഗിക ട്രേഡ് യൂണിയൻ എന്ന ആശയം മുതിർന്ന താരങ്ങളും മുന്നോട്ടുവെച്ചിട്ടുണ്ട്.

ഇതിനിടയിലുള്ള വിമത നീക്കങ്ങളെ എതിർക്കാനുള്ള ആലോചനകളാണ് ഔദ്യോഗികമായി നടക്കുന്നത്. ജനറൽബോഡി ചേർന്ന് ഭൂരിഭാഗ അഭിപ്രായം കേട്ട ശേഷം ആയിരിക്കും തുടർ നടപടികൾ സ്വീകരിക്കുക. ഇരുപതിലേറെ താരങ്ങൾ ട്രേഡ് യൂണിയൻ രൂപീകരിക്കാൻ ഫെഫ്കയെ സമീപിച്ചെന്ന റിപ്പോർട്ടാണ് ഇന്നലെ പുറത്തുവന്നത്.

അഭിനയരംഗത്തേക്ക് ചുവടുവെച്ച് വിസ്മയ മോഹൻലാൽ; 'തുടക്കം' സിനിമയുടെ പൂജ കൊച്ചിയിൽ നടന്നു

ഫെഫ്കയുമായി ബന്ധപ്പെട്ട് 21 ട്രേഡ് യൂണിയനുകൾ നിലവിൽ പ്രവർത്തിക്കുന്നുണ്ട്. സമാനമായി ട്രേഡ് യൂണിയൻ രൂപീകരിക്കാനായി അമ്മയിലെ താരങ്ങൾ ഫെഫ്കയെ സമീപിച്ചെന്ന് ജനറൽ സെക്രട്ടറി ബി ഉണ്ണികൃഷ്ണൻ സ്ഥിരീകരിച്ചിരുന്നു. ഈ സാഹചര്യത്തിൽ, അമ്മ സംഘടനയുടെ ഭാവി എന്തായിരിക്കുമെന്നത് ആകാംക്ഷയോടെയാണ് സിനിമാ ലോകം കാത്തിരിക്കുന്നത്.

Story Highlights: Actors from AMMA approach FEFKA to form new trade union, causing tension within the organization

സംസ്ഥാന ചലച്ചിത്ര പുരസ്കാരങ്ങൾ ഇന്ന് പ്രഖ്യാപിക്കും