CPIM to appoint temporary General Secretary after Yechury's demise

സീതാറാം യെച്ചൂരിയുടെ വിയോഗത്തെ തുടർന്ന് സിപിഐഎം നേതൃത്വത്തിൽ മാറ്റങ്ങൾ പ്രതീക്ഷിക്കുന്നു. നിലവിലെ പോളിറ്റ് ബ്യൂറോയിൽ നിന്ന് ഒരാൾക്ക് ജനറൽ സെക്രട്ടറിയുടെ താൽക്കാലിക ചുമതല നൽകുമെന്നാണ് സൂചന. എന്നാൽ, ഇതു സംബന്ധിച്ച ആലോചനകൾ ഒരാഴ്ചയ്ക്കു ശേഷമേ തുടങ്ങൂവെന്ന് നേതാക്കൾ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേന്ദ്രത്തിൽ പ്രവർത്തിക്കുന്ന നേതാക്കളിൽ ഏറ്റവും മുതിർന്ന അംഗമാണ് ബൃന്ദാ കാരാട്ട്. എന്നാൽ, പ്രായപരിധി നിബന്ധന അനുസരിച്ച് അടുത്ത സമ്മേളനത്തിൽ അവർ കേന്ദ്ര കമ്മിറ്റിയിൽ നിന്ന് ഒഴിയേണ്ടതുണ്ട്. മുഹമ്മദ് സലിം, എം.

എ ബേബി, എ വിജയരാഘവൻ എന്നിവരുടെ പേരുകളാണ് നേതൃത്വത്തിനു മുന്നിലുള്ളത്. ഈ മാസം അവസാനം ചേരുന്ന കേന്ദ്രകമ്മറ്റി യോഗത്തിൽ ഇക്കാര്യം ചർച്ച ചെയ്യുമെന്നും, താൽക്കാലിക ചുമതലയാകും നൽകുകയെന്നും സൂചനയുണ്ട്. അതേസമയം, ഇന്നലെ അന്തരിച്ച സീതറാം യെച്ചൂരിയുടെ മൃതദേഹം ഇന്ന് വൈകീട്ട് ആറു മണിക്ക് അദ്ദേഹത്തിന്റെ ഡൽഹി വസന്ത് കുഞ്ചിലുള്ള വസതിയിൽ പൊതുദർശനത്തിനു വയ്ക്കും.

നാളെ രാവിലെ 11 മുതൽ വൈകീട്ട് 3 മണിവരെ പാർട്ടി ആസ്ഥാനമായ എകെജി ഭവനിലും പൊതുദർശനത്തിനു വയ്ക്കും. വൈകീട്ട് അഞ്ചുമണിക്ക് എ കെജി ഭവനിൽ നിന്നും വിലാപയാത്രയായി മൃതദേഹം ഡൽഹി AIIMS ന് കൈമാറും. ശ്വാസകോശ അണുബാധയെ തുടർന്ന് ചികിത്സയിലായിരുന്ന അദ്ദേഹത്തെ കഴിഞ്ഞ ആഗസ്റ്റ് 19 നാണ് ന്യുമോണിയ ബാധയെ തുടർന്ന് ഡൽഹി AIIMS ൽ പ്രവേശിപ്പിച്ചത്.

വീണാ വിജയൻ വിവാദം: മുഖ്യമന്ത്രി രാജിവയ്ക്കണമെന്ന് വിഡി സതീശൻ

Story Highlights: CPIM to appoint temporary General Secretary following Sitaram Yechury’s demise

സമ്മേളന മത്സര വിലക്ക്: സി.പി.ഐ സെക്രട്ടറി ബിനോയ് വിശ്വം വിശദീകരണം നൽകി