മിന്നൽ മുരളി എന്ന ഹിറ്റ് ചിത്രത്തിലെ കഥാപാത്രങ്ങളെ ഉപയോഗിച്ച് സോഫിയ പോൾ നിർമ്മിക്കാനിരുന്ന മിന്നൽ മുരളി യൂണിവേഴ്സിന് എറണാകുളം ജില്ലാ കോടതി വിലക്കേർപ്പെടുത്തി. മിന്നൽ മുരളിയുടെ തിരക്കഥാകൃത്തുക്കളായ അരുൺ അനിരുദ്ധനും ജസ്റ്റിൻ മാത്യുവും നൽകിയ ഹർജിയിലാണ് കോടതി ഈ തീരുമാനമെടുത്തത്.
സോഫിയ പോൾ പ്രഖ്യാപിച്ചിരുന്ന മിന്നൽ മുരളി യൂണിവേഴ്സിൽ, മിന്നൽ മുരളിയിലെ കഥാപാത്രങ്ങളുടെ സ്പിൻ ഓഫ് ഉൾപ്പെടെ വിവിധ കഥാപാത്രങ്ങളെ ഉൾപ്പെടുത്തി പല സിനിമകൾ ചേരുന്നതായിരുന്നു പദ്ധതി. ഈ സീരീസിലെ ആദ്യ ചിത്രമായ ധ്യാൻ ശ്രീനിവാസന്റെ ‘ഡിറ്റക്ടീവ് ഉജ്ജ്വലൻ’ എന്ന സിനിമയുടെ ടൈറ്റിൽ ടീസർ കഴിഞ്ഞ ദിവസം പുറത്തുവിട്ടിരുന്നു.
ഇതിനു പിന്നാലെയാണ് മിന്നൽ മുരളിയുടെ തിരക്കഥാകൃത്തുക്കൾ കോടതിയെ സമീപിച്ചത്. കോടതി വിലക്കേർപ്പെടുത്തിയതോടെ ധ്യാൻ ശ്രീനിവാസന്റെ ചിത്രവും പ്രതിസന്ധിയിലായിരിക്കുകയാണ്. ടോവിനോ തോമസ് നായകനായി അഭിനയിച്ച മിന്നൽ മുരളി എന്ന ചിത്രം വൻ ഹിറ്റായിരുന്നു.
Story Highlights: Court bans Minnal Murali Universe planned by Sophia Paul using characters from Tovino Thomas’ hit film Minnal Murali
