ഇന്ന് തൃപ്പൂണിത്തുറയിൽ പ്രസിദ്ധമായ അത്തച്ചമയ ഘോഷയാത്ര നടക്കും. നിയമസഭാ സ്പീക്കർ എ എം ഷംസീർ ഈ വർഷത്തെ അത്തച്ചമയ ഘോഷയാത്രയുടെ ഉദ്ഘാടനം നിർവഹിക്കും. തൃപ്പൂണിത്തുറ ബോയ്സ് ഹൈസ്കൂൾ ഗ്രൗണ്ടിൽ രാവിലെ 9 മണിക്ക് മന്ത്രി പി രാജീവ് അത്തച്ചമയ പതാക വീശും.
വയനാട് ദുരന്തത്തിന്റെ പശ്ചാത്തലത്തിൽ ആഘോഷങ്ങൾ ഒഴിവാക്കിയാണ് ഇത്തവണ അത്തച്ചമയ ഘോഷയാത്ര സംഘടിപ്പിക്കുന്നത്. തൃപ്പൂണിത്തുറ നഗരത്തിലൂടെയാണ് ഘോഷയാത്ര നടക്കുക. അത്തം നഗറിൽ ഇന്നുമുതൽ പൊതുജനങ്ങൾക്കായി വിവിധ പരിപാടികളും സംഘടിപ്പിക്കുന്നുണ്ട്.
ഘോഷയാത്ര നടക്കുന്ന ദിവസമായ ഇന്ന് രാവിലെ 7 മണിമുതൽ വൈകിട്ട് 4 മണിവരെ തൃപ്പൂണിത്തുറ നഗരത്തിൽ ഗതാഗത ക്രമീകരണങ്ങൾ ഏർപ്പെടുത്തിയിട്ടുണ്ട്. ഈ സമയത്ത് നഗരത്തിലൂടെ യാത്ര ചെയ്യുന്നവർ ശ്രദ്ധിക്കേണ്ടതാണ്. അത്തച്ചമയ ഘോഷയാത്രയോടനുബന്ധിച്ച് നടക്കുന്ന പരിപാടികൾ നഗരത്തിന്റെ സാംസ്കാരിക ഉത്സവമായി മാറുമെന്ന് പ്രതീക്ഷിക്കുന്നു.
Story Highlights: Tripunithura Athachamayam procession to be held today with reduced celebrations
