Brazil Supreme Court Suspends X Platform Over Legal Dispute

ബ്രസീലിൽ എക്സ് പ്ലാറ്റ്ഫോമിന് നിരോധനം ഏർപ്പെടുത്തി സുപ്രീംകോടതി ഉത്തരവിട്ടു. രാജ്യത്ത് നിയമപ്രതിനിധിയെ നിയമിക്കാൻ എക്സ് വിസമ്മതിച്ചതിനെ തുടർന്നാണ് ജസ്റ്റിസ് അലക്സാൻഡ്രെ ഡി മോറസ് നിരോധനം ഏർപ്പെടുത്തിയത്. പുതിയ നിയമ പ്രതിനിധിയെ നിയമിക്കാൻ സുപ്രീംകോടതി അനുവദിച്ച സമയം വ്യാഴാഴ്ച അവസാനിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശനിയാഴ്ച പുലർച്ചെ മുതൽ നിരോധന ഉത്തരവ് പ്രാബല്യത്തിൽ വന്നു. മാസങ്ങളായി എക്സ് സിഇഒ ഇലോൺ മസ്കും ബ്രസീൽ സുപ്രീംകോടതിയും തമ്മിൽ തർക്കം നിലനിൽക്കുകയായിരുന്നു. 2022 ലെ തിരഞ്ഞെടുപ്പിൽ ജനാധിപത്യ വോട്ടിങ് സമ്പ്രദായത്തെ അട്ടിമറിക്കാൻ ശ്രമിച്ച മുൻ തീവ്ര വലതുപക്ഷ പ്രസിഡൻ്റ് ജെയ്ർ ബൊൽസനാരോയുടെ അനുയായികളുടെ അക്കൗണ്ടുകൾ താൽക്കാലികമായി മരവിപ്പിക്കാൻ മോറസ് ഉത്തരവിട്ടതോടെയാണ് തർക്കം ആരംഭിച്ചത്.

ജനാധിപത്യത്തിനെതിരായതും വ്യാജമായതുമായ ഉള്ളടക്കം പോസ്റ്റ് ചെയ്യുന്നു എന്ന് കാട്ടി മുൻ കോൺഗ്രസ് അംഗവും തീവ്ര വലതുപക്ഷ നേതാവുമായ ഡാനിയൽ സിൽവേര ഉൾപ്പെടെയുള്ളവരുടെ അക്കൗണ്ടുകൾ മരിവിപ്പിക്കാനായിരുന്നു കോടതി നിർദേശം. കോടതി ഉത്തരവ് പാലിക്കാൻ തയാറായില്ലെങ്കിൽ കമ്പനിയുടെ മുൻ നിയമ പ്രതിനിധിയെ അറസ്റ്റ് ചെയ്യുമെന്ന് മോറസ് മുന്നറിയിപ്പ് നൽകിയിരുന്നു. തുടർന്ന് എക്സിൻ്റെ ബ്രസീലിലെ ബിസിനസ് പ്രവർത്തനങ്ങൾ മസ്ക് അവസാനിപ്പിച്ചു.

നിതീഷ് കുമാറിനെ പരാജയപ്പെടുത്തണമെന്ന് പ്രിയങ്ക ഗാന്ധി; മോദിയുടെ പദ്ധതി വോട്ട് ലക്ഷ്യം വെച്ചുള്ളതെന്ന് വിമർശനം

രാജ്യത്ത് ഇനി പ്രവർത്തിക്കണമെങ്കിൽ 24 മണിക്കൂറിനകം പുതിയ നിയമ പ്രതിനിധിയെ നിയമിക്കണമെന്ന് കോടതി ഉത്തരവിട്ടെങ്കിലും മസ്ക് ഇതിന് തയാറായില്ല. തുടർന്നാണ് എക്സ് ബ്ലോക്ക് ചെയ്യാൻ കോടതി ബ്രസീൽ ടെലികമ്യൂണിക്കേഷൻ വകുപ്പിന് ഉത്തരവ് നൽകിയത്.

Story Highlights: Brazil Supreme Court orders suspension of X platform for refusing to appoint legal representative

വിക്കിപീഡിയക്ക് എതിരാളിയായി എലോൺ മസ്കിൻ്റെ ഗ്രോകിപീഡിയ