ഗുജറാത്തിലെ ചുഴലിക്കാറ്റ് ഭീഷണി ഒഴിഞ്ഞിരിക്കുന്നു. കച്ച് തീരത്തോട് ചേർന്ന് രൂപപ്പെട്ട തീവ്ര ന്യൂനമർദ്ദം ചുഴലിക്കാറ്റായി മാറിയെങ്കിലും, ഇപ്പോൾ അസ്‌ന ചുഴലിക്കാറ്റ് ഗുജറാത്ത് തീരത്ത് നിന്ന് ഒമാൻ തീരത്തേക്ക് നീങ്ങിയിരിക്കുകയാണ്. ന്യൂനമർദ്ദം കനത്ത മഴ പെയ്യിച്ചെങ്കിലും ചുഴലിക്കാറ്റിന്റെ ആശങ്ക പതിയെ ഒഴിഞ്ഞു പോയിരിക്കുന്നു.
സൗരാഷ്ട്ര കച്ച് മേഖലയിൽ മഴയുടെ ശക്തി കുറയുമെന്നാണ് കാലാവസ്ഥാ കേന്ദ്രം നൽകുന്ന മുന്നറിയിപ്പ്. എന്നിരുന്നാലും, താഴ്ന്ന പ്രദേശങ്ങളിൽ നിന്ന് വെള്ളം ഇറങ്ങിത്തുടങ്ങിയിട്ടില്ല. വഡോദരയിൽ പ്രളയ സമാന സാഹചര്യം മാറിത്തുടങ്ങിയിട്ടുണ്ട്, വിശ്വാമിത്രി നദിയിൽ വെള്ളം 2 അടിയായി കുറഞ്ഞിരിക്കുന്നു. സംസ്ഥാന ആഭ്യന്തര മന്ത്രി ഹർഷ് സാംഗ്വി പ്രളയ ബാധിത മേഖലകളിൽ സന്ദർശനം നടത്തിയിട്ടുണ്ട്.
മഴക്കെടുതിയിൽ സംസ്ഥാനത്തെ മരണസംഖ്യ 32 ആയി ഉയർന്നിരിക്കുന്നു. സംസ്ഥാനത്തെ വിവിധ പ്രദേശങ്ങളിൽ നിന്ന് ഇരുപതിനായിരത്തോളം പേരാണ് ദുരിതാശ്വാസ ക്യാമ്പുകളിൽ കഴിയുന്നത്. അറബിക്കടലിൽ ഒമാൻ തീരം ലക്ഷ്യമാക്കിയാണ് അസ്‌ന ചുഴലിക്കാറ്റ് ഇപ്പോൾ നീങ്ങുന്നത്, ഇത് ഗുജറാത്തിന് ആശ്വാസമാണ്.
Story Highlights: Cyclone Asna moves away from Gujarat coast towards Oman, flood situation improves
