Kondal Trailer: Action-Packed Revenge Thriller Set in Coastal Backdrop

കൊണ്ടൽ എന്ന ചിത്രത്തിന്റെ ട്രെയിലർ ‘മാനുവൽലിനെ കണ്ടില്ലാ…’ എന്ന ചോദ്യത്തോടെയാണ് ആരംഭിക്കുന്നത്. ഗൾഫിൽ നിന്ന് അന്തസ്സായി കുടുംബം നോക്കിയിരുന്ന മാനുവൽ ഇപ്പോൾ കള്ളുകുടിച്ച് നടക്കുന്നതായി പറയപ്പെടുന്നു. ഈ ചിത്രത്തിൽ കുത്താനും കൊല്ലാനും മടിക്കാത്ത ഗുണ്ടകളെക്കുറിച്ചും പരാമർശിക്കുന്നുണ്ട്. ടീസറിലുടനീളം ആക്ഷൻ രംഗങ്ങളും കാണാൻ കഴിയും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കടൽ മക്കളുടെ ഭാഷയിൽ കടലിൽ നിന്ന് കരയിലേക്ക് വീശുന്ന നാലാം കാറ്റിനെയാണ് ‘കൊണ്ടൽ’ എന്നു വിളിക്കുന്നത്. ഈ ചിത്രത്തിൽ ശക്തമായ പ്രതികാരത്തിന്റെ കഥയാണ് പറയുന്നത്. മാനുവൽ എന്ന യുവാവിന്റെ മനസ്സിൽ നുരഞ്ഞുപൊങ്ങുന്ന പ്രതികാരം കടലിനേയും കടപ്പുറത്തേയും സംഘർഷഭരിതമാക്കുന്നു. ഉൾക്കടലിലും കടപ്പുറത്തും തീപാറും സംഘട്ടനങ്ങൾ ചിത്രത്തിൽ നിറഞ്ഞുനിൽക്കുന്നു.

സമീപകാല മലയാള സിനിമയിലെ മികച്ച ആക്ഷൻ ത്രില്ലർ മൂവിയായി കൊണ്ടൽ പ്രതീക്ഷിക്കപ്പെടുന്നു. ആന്റണി വർഗീസ് (പെപ്പെ) മാനുവലിനെ അവതരിപ്പിക്കുന്നു. രാജ് ബി. ഷെട്ടി, ഷബീർ കല്ലറക്കൽ തുടങ്ങിയവർ പ്രധാന വേഷങ്ങളിൽ എത്തുന്നു. സോഫിയ പോൾ നിർമ്മിച്ച് അജിത് മാമ്പള്ളി സംവിധാനം ചെയ്യുന്ന ഈ ചിത്രം സെപ്റ്റംബർ 13-ന് പ്രദർശനത്തിനെത്തും.

എമ്പുരാൻ മികച്ച ചിത്രം: നടി ഷീല