Casting Director Accuses Actor Mukesh of Misconduct; Siddique Resigns

കാസ്റ്റിംഗ് ഡയറക്ടർ ടെസ് ജോസഫ് നടനും എംഎൽഎയുമായ മുകേഷിനെതിരെ ഗുരുതര ആരോപണങ്ങൾ ഉന്നയിച്ചിരിക്കുകയാണ്. 2018-ൽ ഉന്നയിച്ച ആരോപണം പുതിയ സംഭവവികാസങ്ങളുടെ പശ്ചാത്തലത്തിൽ വീണ്ടും ചർച്ചയാകുന്നു. കോടീശ്വരൻ പരിപാടിയുടെ ഷൂട്ടിനിടെ മുകേഷ് തന്നെ നിരവധി തവണ മുറിയിലേക്ക് വിളിപ്പിച്ചുവെന്നും, പരിപാടിയുടെ അടുത്ത ഷെഡ്യൂളിൽ തന്റെ മുറി മുകേഷിന്റെ മുറിക്ക് സമീപത്താക്കിയെന്നും ടെസ് ജോസഫ് വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അന്നത്തെ ചുമതലക്കാരൻ ഡെറിക് ഒബ്രിയാൻ എംപിയുടെ ഇടപെടലിലൂടെയാണ് താൻ രക്ഷപ്പെട്ടതെന്നും അവർ ട്വീറ്റിലൂടെ അറിയിച്ചു. ഈ സംഭവങ്ങൾക്ക് പിന്നാലെ, AMMA ജനറൽ സെക്രട്ടറി സ്ഥാനത്ത് നിന്ന് നടൻ സിദ്ദിഖ് രാജിവച്ചു. തനിക്കെതിരെ വന്നുകൊണ്ടിരിക്കുന്ന ആരോപണങ്ങളുടെ പശ്ചാത്തലത്തിലാണ് രാജിയെന്ന് സിദ്ദിഖ് AMMA പ്രസിഡന്റ് മോഹൻലാലിന് നൽകിയ കത്തിൽ വ്യക്തമാക്കി.

യുവനടി രേവതി സമ്പത്താണ് സിദ്ദിഖിനെതിരെ ലൈംഗികാരോപണവുമായി രംഗത്തെത്തിയത്. അതേസമയം, സംവിധായകൻ രഞ്ജിത്ത് ചലച്ചിത്ര അക്കാദമി ചെയർമാൻ സ്ഥാനവും രാജിവച്ചു. ബംഗാളി നടി ശ്രീലേഖ മിത്രയുടെ വെളിപ്പെടുത്തലിന് പിന്നാലെയാണ് രഞ്ജിത്തിന്റെ രാജി.

പ്രണവ് മോഹൻലാൽ ചിത്രം 'ഡിയർ സ്റ്റുഡന്റ്സ്' 70 കോടി ക്ലബ്ബിൽ!

പാലേരിമാണിക്യം എന്ന ചിത്രത്തിൽ അഭിനയിക്കാനെത്തിയപ്പോൾ രഞ്ജിത്ത് മോശമായി പെരുമാറിയെന്നാണ് നടി ആരോപിച്ചത്. റൂമിലേക്ക് വിളിച്ചുവരുത്തി കയ്യിലും വളകളിലും തൊട്ട ശേഷം കഴുത്തിലും മുടിയിലും തലോടിയെന്നും അവർ വെളിപ്പെടുത്തിയിരുന്നു.

Story Highlights: Casting director Tess Joseph accuses actor Mukesh of misconduct during Koteeswaran show

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു