Arvind Kejriwal's plea in Delhi liquor policy case to be heard by SC

ഡൽഹി മദ്യനയ അഴിമതി കേസിൽ ജയിലിൽ കഴിയുന്ന അരവിന്ദ് കെജ്രിവാളിന്റെ ഹർജി സുപ്രീംകോടതി ഇന്ന് വീണ്ടും പരിഗണിക്കും. ജസ്റ്റിസുമാരായ സൂര്യകാന്ത്, ഉജ്ജൽ ഭുയാൻ എന്നിവരുടെ ബെഞ്ചാണ് ഹർജി പരിഗണിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡൽഹി ഹൈക്കോടതി ഉത്തരവിനെതിരെയാണ് കെജ്രിവാൾ സുപ്രീംകോടതിയെ സമീപിച്ചത്. തന്നെ അറസ്റ്റ് ചെയ്ത സിബിഐ നടപടി നിയമവിരുദ്ധമാണെന്നാണ് അദ്ദേഹത്തിന്റെ വാദം.

സിബിഐ ഇന്ന് വിശദമായ സത്യവാങ്മൂലം സമർപ്പിച്ചേക്കും. ഭരണഘടനാപരമായാണ് പ്രവർത്തിച്ചതെന്നും ഒരു വീഴ്ചയും സംഭവിച്ചിട്ടില്ലെന്നുമാണ് സിബിഐയുടെ നിലപാട്.

എന്നാൽ, സിബിഐ നടപടികൾ വിചാരണ വൈകിപ്പിക്കാൻ ഉദ്ദേശിച്ചുള്ളതാണെന്ന് കെജ്രിവാളിന്റെ അഭിഭാഷകൻ സുപ്രീംകോടതിയിൽ പരാതിപ്പെട്ടിട്ടുണ്ട്. ഡൽഹിയിൽ മദ്യനയ രൂപീകരണത്തിനായി കോഴ വാങ്ങിയെന്നാണ് കെജ്രിവാൾ ഉൾപ്പെടെയുള്ള ആം ആദ്മി പാർട്ടി നേതാക്കൾക്കെതിരായ കേസ്.

കെജ്രിവാളിന്റെ ജുഡീഷ്യൽ കസ്റ്റഡി ഓഗസ്റ്റ് 27 വരെയാണ് ഡൽഹി കോടതി നീട്ടിയിരുന്നത്. ഈ കേസിൽ കെജ്രിവാളിന് ജാമ്യം ലഭിച്ചാൽ, അത് ആം ആദ്മി പാർട്ടിക്ക് വലിയ രാഷ്ട്രീയ ഊർജമായി മാറുമെന്ന് വിലയിരുത്തപ്പെടുന്നു.

ടി.പി.ചന്ദ്രശേഖരൻ വധക്കേസ്: ജ്യോതിബാബുവിന് ജാമ്യമില്ലെന്ന് സുപ്രീംകോടതി

Story Highlights: Supreme Court to consider Arvind Kejriwal’s plea in Delhi liquor policy corruption case

ആളില്ലാത്ത സ്ഥലത്തും ഫോം നൽകിയെന്ന് രേഖപ്പെടുത്തണം; വിവാദ നിർദേശവുമായി ഇലക്ടറൽ രജിസ്ട്രേഷൻ ഓഫീസർ