ചിരഞ്ജീവി നായകനായി അണിയറയിലൊരുങ്ങുന്ന വിശ്വംഭര എന്ന ബിഗ് ബഡ്ജറ്റ് തെലുങ്ക് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ചിരഞ്ജീവിയുടെ ജന്മദിനത്തോടനുബന്ധിച്ചാണ് ഈ പോസ്റ്റര്‍ പുറത്തുവിട്ടത്. സൂപ്പര്‍ ഹിറ്റ് സംവിധായകന്‍ വസിഷ്ഠയാണ് ഈ സോഷ്യോ-ഫാന്റസി എന്റര്‍റ്റൈനര്‍ രചിച്ചു സംവിധാനം ചെയ്യുന്നത്. യു വി ക്രിയേഷന്‍സാണ് ഈ മാസ്സ് ചിത്രത്തിന്റെ നിര്‍മ്മാണം.
ബിംബിസാര എന്ന ബ്ലോക്ക്ബസ്റ്റര്‍ ചിത്രത്തിലൂടെ അരങ്ങേറ്റം കുറിച്ച വസിഷ്ഠ ഒരുക്കുന്ന വിശ്വംഭര, മികച്ച വിഎഫ്എക്സ്, വമ്പന്‍ ആക്ഷന്‍ രംഗങ്ങള്‍, ഹൃദയസ്പര്‍ശിയായ ഡ്രാമ എന്നിവകൊണ്ട് സമ്പന്നമായിരിക്കുമെന്നാണ് റിപ്പോര്‍ട്ടുകള്‍. ചിരഞ്ജീവിക്കൊപ്പം തൃഷ കൃഷ്ണന്‍, അഷിക രംഗനാഥ്, കുനാല്‍ കപൂര്‍, സുര്‍ഭി, ഇഷ ചൗള എന്നിവരും ഇതിലെ പ്രധാന താരങ്ങളാണ്. 2025 ജനുവരി 10 ന് ഈ ചിത്രം ആഗോള റിലീസായെത്തും.
വിക്രം, വംശി, പ്രമോദ് എന്നിവര്‍ ചേര്‍ന്ന് നിര്‍മ്മിക്കുന്ന ഈ ഫാന്റസി ആക്ഷന്‍ അഡ്വെഞ്ചര്‍ ചിത്രത്തിന്റെ സാങ്കേതിക വിദഗ്ധരെയും പ്രഖ്യാപിച്ചിട്ടുണ്ട്. ഛോട്ടാ കെ നായിഡു ഛായാഗ്രഹണം നിര്‍വഹിക്കുമ്പോള്‍ എം. എം. കീരവാണി സംഗീതം ഒരുക്കും. കോട്ടഗിരി വെങ്കടേശ്വര റാവു എഡിറ്റിംഗ് നിര്‍വഹിക്കും. എ. എസ്. പ്രകാശ് പ്രൊഡക്ഷന്‍ ഡിസൈനറായും ഫസ്റ്റ് ഷോ മാര്‍ക്കറ്റിംഗ് നിര്‍വഹിക്കും. ശബരി പിആര്‍ഒ ആയും പ്രവര്‍ത്തിക്കും.
Story Highlights: Chiranjeevi’s big-budget Telugu film Vishwambhara’s first look poster released on his birthday
