Kerala Kalamandalam VC condemns Kathakali-insulting photoshoot

കഥകളിയെ അധിക്ഷേപിച്ചുള്ള ഫോട്ടോഷൂട്ടിനെതിരെ ശക്തമായ നടപടി സ്വീകരിക്കുമെന്ന് കേരള കലാമണ്ഡലം വൈസ് ചാൻസിലർ ഡോ. ബി അനന്ത കൃഷ്ണൻ പ്രസ്താവിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിഷയത്തിൽ കലാമണ്ഡലം നിയമപദേശം തേടിയതായും, സൈബർ സെല്ലിന് പരാതി നൽകാൻ തീരുമാനിച്ചതായും അദ്ദേഹം വ്യക്തമാക്കി. ആദ്യഘട്ടത്തിൽ സൈബർ സെല്ലിന് പരാതി നൽകുമെന്നും, പിന്നീട് നിയമപദേശം തേടി തുടർനടപടികൾ സ്വീകരിക്കുമെന്നും വൈസ് ചാൻസിലർ പറഞ്ഞു.

കഥകളിക്കെതിരായ ഈ കടന്നുകയറ്റത്തിൽ വലിയ പ്രതിഷേധമുണ്ടെന്നും, ചിത്രങ്ങൾ പല കലാകാരന്മാരെയും വേദനിപ്പിച്ചതായും അദ്ദേഹം അഭിപ്രായപ്പെട്ടു. വർഷങ്ങളെടുത്ത് സ്വായത്തമാക്കുന്ന കലാരൂപത്തെ വികലമാക്കുന്ന നടപടിയിൽ കടുത്ത വിയോജിപ്പ് രേഖപ്പെടുത്തുന്നതായും, ചിത്രങ്ങളുടെ ഉറവിടം കണ്ടെത്തേണ്ടതുണ്ടെന്നും അനന്ത കൃഷ്ണൻ ആവശ്യപ്പെട്ടു.

ഇതിൽ ആർട്ടിസ്റ്റ് താല്പര്യമോ വാണിജ്യ താൽപര്യമോ എന്നത് വ്യക്തമല്ലെന്നും അദ്ദേഹം കൂട്ടിച്ചേർത്തു. വികലമായ മനസ്സിന്റെ സൃഷ്ടിയാണ് ഇപ്പോഴത്തെ സംഭവമെന്ന് വിലയിരുത്തിയ വൈസ് ചാൻസിലർ, ആവിഷ്കാര സ്വാതന്ത്ര്യം മറ്റൊരു കലാരൂപത്തെ അധിക്ഷേപിച്ചുകൊണ്ടാകരുതെന്നും, അടിസ്ഥാനമൂല്യങ്ങൾ ഹനിക്കുന്ന രീതിയിലാകരുത് ആവിഷ്കാരങ്ങളെന്നും അഭിപ്രായപ്പെട്ടു.

എമ്പുരാൻ രാജ്യ ദ്രോഹ ചിത്രമാകുന്നുണ്ടോ..??? അങ്ങനെ ഒരു തിയറി പ്രചരിപ്പിക്കുന്നവരുടെ ലക്ഷ്യമെന്ത്..??

കഥകളി പ്രമേയമാക്കി ഒരുക്കിയ ഫോട്ടോഷൂട്ടാണ് ഈ വിവാദത്തിന് കാരണമായത്.

Story Highlights: Kerala Kalamandalam Vice-Chancellor condemns photoshoot insulting Kathakali, seeks legal action

ആർ എൽ വി രാമകൃഷ്ണൻ കലാമണ്ഡലത്തിൽ അസിസ്റ്റന്റ് പ്രൊഫസർ