Heavy rain in Churalmala-Mundakai areas, cow rescued from Kannadi river

ചൂരൽമല-മുണ്ടക്കൈ പ്രദേശങ്ങളിൽ ഉരുൾപൊട്ടൽ ദുരന്തം സംഭവിച്ചതിനു ശേഷം ശക്തമായ മഴ പെയ്തു. ഇരുകരകളെയും ബന്ധിപ്പിക്കുന്നതിനായി നിർമ്മിച്ച താൽക്കാലിക നടപ്പാലം തകർന്നുപോയി. കണ്ണാടിപ്പുഴയിൽ ഇപ്പോഴും കുത്തൊഴുക്കുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സാഹചര്യത്തിൽ, മുണ്ടക്കൈ പ്രദേശത്ത് കണ്ണാടിപ്പുഴയിലേക്ക് വീണ് ഒഴുക്കിൽപ്പെട്ട പശുവിനെ അഗ്നിരക്ഷാസേന സാഹസികമായി രക്ഷപ്പെടുത്തി. ഉരുൾപൊട്ടൽ മേഖലയിലുണ്ടായിരുന്ന അഗ്നിരക്ഷാസേനാംഗങ്ങൾ ഉൾപ്പെടെയുള്ള രക്ഷാപ്രവർത്തകരാണ് പശുവിനെ പുഴയിൽനിന്ന് കരയിലേക്കെത്തിച്ചത്. ഇന്ന് ഉച്ചയ്ക്ക് രണ്ടുമണിക്കുശേഷമാണ് പ്രദേശത്ത് മഴ കനത്തത്.

ബെയ്ലി പാലത്തിനപ്പുറം മുണ്ടക്കൈ ഭാഗത്ത് നിരവധി കന്നുകാലികൾ മേയുന്നുണ്ടായിരുന്നു. പുഴയിലൂടെ മറുകരയിലേക്ക് കടക്കാനുള്ള ശ്രമത്തിനിടെയാണ് ഒരു പശു ഒഴുക്കിൽപ്പെട്ടതെന്ന് കരുതുന്നു. ശക്തമായ കുത്തൊഴുക്കിനെ വകവെക്കാതെ പുഴയിൽ ഇറങ്ങിയ രക്ഷാപ്രവർത്തകർ വടം ഉപയോഗിച്ച് പശുവിനെ കരയ്ക്കുകയറ്റി.

കരക്കെത്തിച്ച പശുവിന് നടക്കുന്നതിന് ബുദ്ധിമുട്ടുണ്ടായിരുന്നു. കാലിൽ മുറിവേറ്റിട്ടുണ്ടെന്നാണ് സംശയിക്കുന്നത്. കഴുത്തിലുണ്ടായിരുന്ന കയർ അഴിച്ചെങ്കിലും പശു നിലത്തുകിടന്നു.

ചെളിവെള്ളം പശു ധാരാളം കുടിച്ചിട്ടുണ്ടെന്നാണ് സംശയം. പശുവിന് വിദഗ്ദ്ധ ചികിത്സ ലഭ്യമാക്കുമെന്നാണ് വിവരം.

പി.ജി. ദീപക് കൊലക്കേസ്: അഞ്ച് ആർ.എസ്.എസ്. പ്രവർത്തകർക്ക് ജീവപര്യന്തം

Story Highlights: Heavy rain in Churalmala-Mundakai areas, cow rescued from Kannadi river by firefighters Image Credit: twentyfournews

മുണ്ടക്കൈ-ചൂരൽമല ഉരുൾപൊട്ടൽ ദുരിതബാധിതർക്ക് ആശ്വാസം; മാതൃകാ ടൗൺഷിപ്പിന്റെ നിർമാണം ഇന്ന് ആരംഭിക്കും