വയനാട്ടിലെ ഉരുൾപ്പൊട്ടൽ ദുരന്തത്തിൽ വീടും വീട്ടുകാരെയും നഷ്ടപ്പെട്ട കുഞ്ഞുങ്ങൾക്ക് കരുതലും സ്നേഹവും പകരാനായി സമൂഹമാധ്യമ പേജുകളിലെ അഡ്മിന്മാരുടെ കൂട്ടായ്മയായ കേരള പേജ് അഡ്മിന്സ് കളിപ്പാട്ടവണ്ടിയുമായി എത്തുന്നു.
ദുരന്തബാധിത പ്രദേശത്തെ കുട്ടികൾക്ക് നൽകാനായി കളിപ്പാട്ടങ്ങളും ഡയപ്പറുകളും മറ്റും ശേഖരിച്ച് എത്തിക്കാനാണ് കെപിഎ കൂട്ടായ്മ പദ്ധതിയിടുന്നത്. കളിപ്പാട്ടങ്ങളും ഡയ്യപ്പറുകളും വാങ്ങി നൽകുവാൻ താൽപര്യമുള്ളവർ കെപിഎ അംഗങ്ങളെ ബന്ധപ്പെടാവുന്നതാണ്.
കുഞ്ഞുങ്ങൾക്ക് കളിപ്പാട്ടങ്ങളും മറ്റും നൽകാൻ ആഗ്രഹിക്കുന്നവർക്ക് തിരുവനന്തപുരം, എറണാകുളം, തൃശൂർ കളക്ഷൻ പോയിന്റുകളിൽ വസ്തുക്കൾ എത്തിക്കാവുന്നതാണ്. കൂടുതൽ വിവരങ്ങൾക്ക് നൽകിയിരിക്കുന്ന നമ്പരുകളിൽ ബന്ധപ്പെടാവുന്നതാണ്.
Story Highlights: Kerala pages admin to distribute toys and diapers to children affected by Wayanad landslide.
