വഖഫ് നിയമ ഭേദഗതി ബിൽ പരിശോധനയ്ക്കായി സംയുക്ത പാർലമെന്ററി സമിതിക്ക് വിട്ടു. പ്രതിപക്ഷത്തിന്റെ ആവശ്യത്തെ തുടർന്നാണ് ഈ തീരുമാനം. ബിൽ പിൻവലിക്കുകയോ സ്റ്റാൻഡിങ് കമ്മിറ്റിക്ക് വിടുകയോ വേണമെന്നായിരുന്നു പ്രതിപക്ഷത്തിന്റെ ആവശ്യം. എന്നാൽ, ഏതുപരിശോധനയ്ക്കും സർക്കാർ തയ്യാറാണെന്ന് പ്രഖ്യാപിച്ച കേന്ദ്ര ന്യൂനപക്ഷകാര്യമന്ത്രി കിരൺ റിജിജു, ബിൽ സംയുക്ത പാർലമെന്ററി സമിതിക്ക് വിടണമെന്ന് ശുപാർശ ചെയ്തു.
സ്പീക്കർ എല്ലാ പാർട്ടി നേതാക്കളുമായും ചർച്ച ചെയ്തശേഷം വെള്ളിയാഴ്ച സംയുക്ത സമിതി രൂപവത്കരിക്കുമെന്ന് അറിയിച്ചു. ഭരണ-പ്രതിപക്ഷ വിഭാഗങ്ങളിൽപെടുന്ന പാർട്ടികളിലെ അംഗങ്ങളിൽ നിന്നുള്ള പ്രതിനിധികൾ സംയുക്ത സമിതിയിൽ ഉണ്ടാകും. മുസ്ലിം ലീഗ് പ്രതിനിധിയായി ഇ.ടി മുഹമ്മദ് ബഷീർ സമിതിയിൽ അംഗമായേക്കും.
മണിക്കൂറോളം നീണ്ട ഭരണ-പ്രതിപക്ഷ വാക് യുദ്ധങ്ങൾക്കൊടുവിലാണ് ബിൽ സഭയിൽ അവതരിപ്പിച്ചത്. എൻ.ഡി.എ. ഘടകകക്ഷികളായ ജെ.ഡി.യു.വും ടി.ഡി.പി.യും ശിവസേന ഷിന്ദേ വിഭാഗവും ബില്ലിനെ പിന്തുണച്ചപ്പോൾ വൈ.എസ്.ആർ. കോൺഗ്രസ് എതിർത്തു.
Story Highlights: Waqf Amendment Bill referred to Joint Parliamentary Committee amid opposition demands.
Image Credit: twentyfournews
