ട്വന്റിഫോറും ഫ്‌ളവേഴ്‌സും ഉരുൾപൊട്ടലിൽ തകർന്ന വയനാട് മുണ്ടക്കൈയെ വീണ്ടെടുക്കാൻ ‘എന്റെ കുടുംബം വയനാടിനൊപ്പം’ എന്ന ബൃഹദ് പദ്ധതി ആരംഭിച്ചു. ചീഫ് എഡിറ്റർ ആർ ശ്രീകണ്ഠൻ നായർ പ്രഖ്യാപിച്ച ഈ പദ്ധതിയിൽ ട്വന്റിഫോർ-ഫ്ളവേഴ്സ് കുടുംബാംഗങ്ങൾ, ചാനൽ ആർട്ടിസ്റ്റുകൾ, അവതാരകർ എന്നിവർ പങ്കാളികളാകും. പ്രേക്ഷക പങ്കാളിത്തത്തോടെയാണ് പദ്ധതി നടപ്പാക്കുന്നത്. പദ്ധതിയുടെ സുതാര്യതയ്ക്കായി പ്രത്യേക ആപ്പ് പുറത്തിറക്കുമെന്നും അറിയിച്ചു.
ട്വന്റിഫോറിന്റെയും ഫ്‌ളവേഴ്‌സിന്റേയും ജീവനക്കാർ, കലാകാരന്മാർ, അവതാരകർ എന്നിവരെല്ലാം പദ്ധതിയുടെ ഭാഗമാകും. ട്വന്റിഫോർ കണക്ടും ട്വന്റിഫോർ കണക്ടിൽ രജിസ്റ്റർ ചെയ്തിട്ടുള്ളവരും പദ്ധതിയിൽ പങ്കാളികളാകുമെന്ന് ആർ ശ്രീകണ്ഠൻ നായർ വ്യക്തമാക്കി. പ്രേക്ഷകരെയും പദ്ധതിയുടെ ഭാഗമാക്കിയാണ് ‘എന്റെ കുടുംബം വയനാടിനൊപ്പം’ നടപ്പാക്കുന്നത്.
പണം സ്വരൂപിക്കുന്നത് ആപ്പ് വഴിയായിരിക്കും. പണം നൽകിയവരുടെ വിവരങ്ങളും പണം ചെലവിടുന്ന കാര്യങ്ങളും ആപ്പിലും ട്വന്റിഫോറിന്റെയും ഫ്‌ളവേഴ്‌സിന്റേയും വെബ്‌സൈറ്റിലും പ്രസിദ്ധീകരിക്കും. രണ്ടു ദിവസത്തിനുള്ളിൽ ആപ്പ് പ്രവർത്തനക്ഷമമാകുമെന്ന് ആർ ശ്രീകണ്ഠൻ നായർ അറിയിച്ചു. പദ്ധതി പ്രഖ്യാപിച്ച് നിമിഷങ്ങൾക്കകം വലിയ പ്രേക്ഷക പിന്തുണയാണ് ലഭിച്ചുകൊണ്ടിരിക്കുന്നത്.
Story Highlights: Twentyfour and Flowers launch ‘My Family with Wayanad’ project to rebuild landslide-affected Mundakkai
Image Credit: twentyfournews
