ചൂരൽമല ഉരുൾപൊട്ടൽ ദുരന്തത്തിൽ ഒറ്റപ്പെട്ടുപോയ വളർത്തു മൃഗങ്ങൾക്ക് ആശ്വാസമായി. മൃഗസംരക്ഷണ വകുപ്പ് ഈ മൃഗങ്ങളെ സംരക്ഷിക്കാൻ മുന്നോട്ടുവന്നിരിക്കുകയാണ്. പരുക്കേറ്റ മൃഗങ്ങൾക്ക് ആവശ്യമായ ചികിത്സ നൽകിയ ശേഷം, അവയെ ഏറ്റെടുക്കാൻ തയ്യാറുള്ള സമീപപ്രദേശങ്ങളിലെ ക്ഷീര കർഷകരെ ഏൽപ്പിക്കും.
ചൂരൽമലയിൽ 24 മണിക്കൂറും പ്രവർത്തിക്കുന്ന മൃഗസംരക്ഷണ വകുപ്പിന്റെ കൺട്രോൾ റൂമാണ് ഈ പ്രവർത്തനങ്ങൾക്ക് നേതൃത്വം നൽകുന്നത്. മൃഗങ്ങളെ ഏറ്റെടുക്കുന്ന ക്ഷീരകർഷകരുടെ വിവരങ്ങൾ കൃത്യമായി രേഖപ്പെടുത്തും. നിലവിൽ എൻജിഒകളും വോളണ്ടിയർമാരും മുഖേന മൃഗങ്ങൾക്ക് ആവശ്യമായ ഭക്ഷണവും ജലവും ലഭ്യമാക്കുന്നുണ്ട്.
ചൂരൽമല, മുണ്ടക്കൈ തുടങ്ങിയ ദുരന്ത ബാധിത സ്ഥലങ്ങളിൽ നിന്നും കണ്ടെത്തുന്ന വളർത്തു മൃഗങ്ങളെയും പക്ഷികളെയും കൺട്രോൾ റൂമിൽ എത്തിച്ച് തുടർനടപടി സ്വീകരിക്കും. കഴിഞ്ഞദിവസം ദുരന്തസ്ഥലത്തുനിന്നും ലഭിച്ച രണ്ട് നായക്കുട്ടികളെ മിലിട്ടറിക്കും പോലിസ് സ്പെഷ്യൽ ഡിഫെൻസ് ഗ്രൂപ്പിനും കൈമാറിയിരുന്നു. വെറ്ററിനറി ഡോക്ടർമാരും ഫീൽഡ് ഓഫീസർമാരും ഉൾപ്പെടുന്ന സംഘം രണ്ട് ബാച്ചുകളിലായാണ് പ്രവർത്തിക്കുന്നത്.
ഫയർ ഫോഴ്സിന്റെ സഹായത്തോടെ ചെറിയ മൃഗങ്ങളെ കൂടുകളിലാക്കിയും വലിയ മൃഗങ്ങളെ ആംബുലൻസിൽ കയറ്റിയും മേപ്പാടിയിലെ പഞ്ചായത്ത് ഹോസ്പിറ്റലിൽ എത്തിക്കുന്നു. നിലവിലെ പ്രത്യേക സാഹചര്യത്തിൽ ചത്ത മൃഗങ്ങളെ പോസ്റ്റ്മോർട്ടം ചെയ്യേണ്ടതില്ലെന്ന് മൃഗസംരക്ഷണ വകുപ്പ് ജില്ലാ ഓഫീസർ ഡോ. രാജേഷ് അറിയിച്ചു.
സംഭവസ്ഥലത്തു നിന്നും ലഭിക്കുന്ന മൃഗങ്ങളുടെ ശരീര ഭാഗങ്ങൾ മേപ്പാടിയിൽ നശിപ്പിക്കുന്നതിനും സജ്ജീകരണമായി.
Story Highlights: Animal Welfare Department rescues and rehabilitates animals affected by Wayanad landslide Image Credit: twentyfournews
വയനാട് പുല്പ്പള്ളി സാമൂഹിക ആരോഗ്യ കേന്ദ്രത്തിലെ ഡോക്ടര്ക്ക് മര്ദ്ദനമേറ്റു. ജോലി കഴിഞ്ഞ് പുറത്തിറങ്ങിയ Read more
വയനാട് മുള്ളൻകൊല്ലിയിൽ മകനെ ഇടതുപക്ഷ സ്ഥാനാർത്ഥിയാക്കിയതിന്റെ പേരിൽ പിതാവിനെ ജോലിയിൽ നിന്ന് ഐഎൻടിയുസി Read more
അഫ്ഗാനിസ്ഥാനിൽ റിക്ടർ സ്കെയിലിൽ 6.3 രേഖപ്പെടുത്തിയ ഭൂചലനത്തിൽ 10 പേർ മരിച്ചു. 260ൽ Read more
വയനാട്ടിൽ സിപ്പ് ലൈൻ അപകടം എന്ന രീതിയിൽ എഐ ഉപയോഗിച്ച് നിർമ്മിച്ച വ്യാജ Read more
വയനാട് ജില്ലയിലെ മുണ്ടക്കൈ-ചൂരൽമല ദുരന്തം ഇപ്പോളും മനസ്സിൽ ഒരു വിങ്ങലായി അവശേഷിക്കുന്നു. എന്നാൽ Read more
വയനാട് ഡിസിസി ട്രഷറർ എൻ.എം. വിജയനും മകനും ആത്മഹത്യ ചെയ്ത സംഭവത്തിൽ പ്രത്യേക Read more
വയനാട് പടിഞ്ഞാറത്തറയിൽ ഇടിമിന്നലേറ്റതിനെ തുടർന്ന് നാല് തൊഴിലുറപ്പ് തൊഴിലാളികൾക്ക് പരിക്കേറ്റു. സംസ്ഥാനത്ത് തുലാവർഷം Read more
വയനാട് കെഎസ്ആർടിസി കൽപ്പറ്റ ഡിപ്പോയിൽ ഡീസൽ ക്ഷാമം രൂക്ഷം. നാല് സർവീസുകൾ റദ്ദാക്കിയതിനെ Read more
വയനാട് ഡബ്ല്യു.എം.ഒ കോളേജിൽ എം.എസ്.എഫ് പ്രവർത്തകർ കോൺഗ്രസ് എം.എൽ.എമാർക്കെതിരെ ബാനർ ഉയർത്തിയ സംഭവം Read more
വയനാട് മലിനീകരണ നിയന്ത്രണ ബോർഡ് ഓഫീസിൽ എൻജിനീയറിങ് അപ്രന്റിസ് തസ്തികയിലേക്ക് നിയമനം നടത്തുന്നു. Read more
