വയനാട് ഉരുൾപൊട്ടൽ ദുരന്തത്തിന്റെ പശ്ചാത്തലത്തിൽ മുഖ്യമന്ത്രി പിണറായി വിജയൻ വിളിച്ച അവലോകന യോഗം സമാപിച്ചു. മുണ്ടകൈ പൂർണമായും തകർന്നതായി യോഗത്തിൽ വിലയിരുത്തി. മണ്ണിനടിയിൽ കുടുങ്ងിയവരെ കണ്ടെത്താൻ കൂടുതൽ ഉപകരണങ്ങൾ ആവശ്യമാണെന്നും, രക്ഷാദൗത്യ സംഘം വലിയ വെല്ലുവിളി നേരിടുന്നുണ്ടെന്നും യോഗം വിലയിരുത്തി.
കേന്ദ്ര സർക്കാരിന്റെയും സൈന്യത്തിന്റെയും ഇതുവരെയുള്ള പ്രവർത്തനങ്ങളിൽ സംതൃപ്തി രേഖപ്പെടുത്തി. മുണ്ടക്കൈയിലേക്ക് കൂടുതൽ വെള്ളവും ഭക്ഷണവും എത്തിക്കാനും തീരുമാനിച്ചു. സംസ്ഥാന ദുരന്ത നിവാരണ അതോറിറ്റി ആസ്ഥാനത്ത് മുഖ്യമന്ത്രി നേരിട്ടെത്തി യോഗത്തിൽ പങ്കെടുത്തപ്പോൾ, രക്ഷാപ്രവർത്തനത്തിന് നേതൃത്വം നൽകുന്ന വിവിധ വിഭാഗങ്ങളുടെ ചുമതലക്കാർ ഓൺലൈനായി പങ്കെടുത്തു.
ദുരന്തമേഖലയിൽ രക്ഷാദൗത്യം തുടരുമ്പോൾ മരണസംഖ്യ 170 ആയി ഉയർന്നു. ചൂരൽമലയിൽ പരുക്കേറ്റവരെ എയർലിഫ്റ്റ് ചെയ്യാൻ വ്യോമസേനയുടെ ഹെലികോപ്റ്റർ എത്തിച്ചു. നാലു സംഘങ്ങളായി തിരിഞ്ഞ് സൈന്യം രക്ഷാപ്രവർത്തനം നടത്തുന്നു. ബെയ്‌ലി പാലം നിർമ്മിക്കാനുള്ള സാമഗ്രികൾ കണ്ണൂർ വിമാനത്താവളത്തിൽ എത്തിച്ചതായും റിപ്പോർട്ടുകൾ സൂചിപ്പിക്കുന്നു.
Story Highlights: CM Pinarayi Vijayan’s review meeting on Wayanad landslide concludes, assessing rescue challenges and relief efforts
Image Credit: twentyfournews
