ചെന്നൈ: തമിഴ് സ്വകാര്യ ടെലിവിഷൻ ചാനലിലെ പ്രമുഖ വാർത്ത അവതാരക സൗന്ദര്യ അമുദമൊഴി അന്തരിച്ചു. രക്താർബുദം ബാധിച്ച് ആറ് മാസത്തോളമായി ചികിത്സയിലായിരുന്നു താരം. കാൻസർ ചികിത്സയുടെ വിവിധ ഘട്ടങ്ങൾ സമൂഹ മാധ്യമങ്ങളിലൂടെ പങ്കുവച്ചിരുന്ന സൗന്ദര്യ, തനിക്കുവേണ്ടി ചികിത്സാ സഹായം അഭ്യർഥിച്ച് മെയ് മാസത്തിൽ പങ്കുവച്ച കുറിപ്പ് സോഷ്യൽ മീഡിയയിൽ വൈറലായിരുന്നു.
ആശുപത്രി കിടക്കയിൽ നിന്നുള്ള ചിത്രങ്ങൾക്കൊപ്പം സൗന്ദര്യ ഇൻസ്റ്റഗ്രാമിൽ കുറിച്ചത്, മജ്ജ മാറ്റിവെക്കൽ ചികിത്സയല്ലാതെ മറ്റ് മാർഗമില്ലെന്നും ജീവിതത്തിലേക്ക് തിരിച്ചുവരാനുള്ള അവസാന ശ്രമത്തിലാണെന്നുമായിരുന്നു. മേയ് 14ന് പങ്കുവച്ച ഈ പോസ്റ്റാണ് സൗന്ദര്യയുടെ അവസാന സോഷ്യൽ മീഡിയ പോസ്റ്റ്.
സൗന്ദര്യയുടെ ചികിത്സയ്ക്കായി തമിഴ് ന്യൂസ് റീഡേഴ്സ് അസോസിയേഷനിൽ നിന്ന് ടെലിവിഷൻ മാനേജ്മെന്റ് 5.51 ലക്ഷം രൂപയും തമിഴ്നാട് മുഖ്യമന്ത്രി എം.കെ.സ്റ്റാലിൻ 50 ലക്ഷം രൂപയും അനുവദിച്ചിരുന്നു. എന്നിരുന്നാലും, ഈ സഹായങ്ങൾക്കിടയിലും താരത്തിന്റെ അപ്രതീക്ഷിത വിയോഗം സംഭവിച്ചു, ആരാധകരെയും സഹപ്രവർത്തകരെയും ദുഃഖത്തിലാഴ്ത്തി.
