Kerala MP on Arjun rescue efforts in Karnataka landslide

കർണ്ണാടക സർക്കാർ അർജുനെ കണ്ടെത്താൻ മനുഷ്യസാധ്യമായ എല്ലാ കാര്യങ്ങളും ചെയ്തു കഴിഞ്ഞുവെന്ന് കോഴിക്കോട് എംപി എം. കെ രാഘവൻ പറഞ്ഞു. ഷിരൂരിൽ തെരച്ചിൽ തുടരുമെന്നും അടിയൊഴുക്ക് ശക്തമായതിനാൽ ഫ്ലോട്ടിങ് വെസൽ ഉപയോഗിച്ചുള്ള പരിശോധന നടക്കുകയാണെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നേവിയും സൈന്യവും ദൗത്യം തുടരുമെന്നും അർജുനെ ഇന്നോ നാളെയോ കണ്ടെത്താൻ സാധിക്കുമെന്ന പ്രതീക്ഷയുണ്ടെന്നും രാഘവൻ കൂട്ടിച്ചേർത്തു. പുഴ കേന്ദ്രീകരിച്ച് നാല് പോയിൻ്റുകളിൽ റിട്ട. മേജർ ജനറൽ ഇന്ദ്രബാലനും സംഘവും പരിശോധന നടത്തുന്നുണ്ട്.

അർജുൻ്റെ കുടുംബം വേദനിച്ച് കഴിയുകയാണെന്നും അവരെ സൈബർ ആക്രമണത്തിന് ഇരയാക്കുന്നതായും രാഘവൻ ചൂണ്ടിക്കാട്ടി. അതേസമയം, കെപിസിസിയിലെ തര്ക്കം ഏട്ടൻ അനിയന്മാർ തമ്മിലുള്ള സ്വാഭാവിക തര്ക്കമാണെന്നും അത് പാർട്ടിയെ ബാധിക്കില്ലെന്നും അദ്ദേഹം പ്രതികരിച്ചു. മന്ത്രി പിഎ മുഹമ്മദ് റിയാസ് അറിയിച്ചതനുസരിച്ച്, ഷിരൂരിലെ അർജുന് വേണ്ടിയുള്ള തിരച്ചിൽ ആധുനിക സൗകര്യങ്ങളോടെ തുടരണമെന്ന് കേരളം ആവശ്യപ്പെട്ടു.

ജി. സുധാകരൻ കെപിസിസി പരിപാടിയിൽ പങ്കെടുക്കില്ല

ദൗത്യം അവസാനിക്കുന്നതുവരെ കേരളത്തിൽ നിന്നുള്ള പ്രതിനിധി സംഘം ഷിരൂരിൽ തുടരുമെന്നും കുടുംബാംഗങ്ങൾക്ക് ദൗത്യമേഖലയിൽ പ്രവേശനം നൽകണമെന്ന് പൊലീസിനോട് ആവശ്യപ്പെട്ടതായും മന്ത്രി വ്യക്തമാക്കി. കുടുംബത്തിനെതിരായ സൈബർ ആക്രമണങ്ങൾക്കെതിരെ കർശന നടപടിയെടുക്കുമെന്നും അദ്ദേഹം കൂട്ടിച്ചേർത്തു.

എ.കെ. ബാലൻ വായിലൂടെ വിസർജ്ജിക്കുന്ന ജീവി: കെ. സുധാകരൻ