Naval ship fire in Mumbai: Missing sailor's body recovered

മുംബൈ ഡോക്യാർഡിൽ നാവികസേന കപ്പലായ ഐഎൻഎസ് ബ്രഹ്മപുത്രയ്ക്ക് തീപിടിച്ച സംഭവത്തിൽ കാണാതായ നാവികന്റെ മൃതദേഹം കണ്ടെത്തി. സിതേന്ദ്ര സിംഗ് എന്ന സീമാനാണ് അപകടത്തിൽ ജീവൻ നഷ്ടമായത്. രണ്ടു ദിവസം നീണ്ട തിരച്ചിലിനൊടുവിലാണ് മൃതദേഹം കണ്ടെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തീപിടുത്തത്തിനിടെ വെള്ളത്തിലേക്ക് ചാടിയ നാവികൻ നീന്തി കരയിലെത്താൻ ശ്രമിച്ചെങ്കിലും പരാജയപ്പെടുകയായിരുന്നു. തീപിടുത്തത്തെ തുടർന്ന് കപ്പൽ ഒരു വശത്തേക്ക് ചരിഞ്ഞ നിലയിലാണ്. ഇത് നേരെയാക്കാനുള്ള ശ്രമങ്ങൾ ഇതുവരെ ഫലം കണ്ടിട്ടില്ല.

കപ്പലിന് ഗുരുതര തകരാർ സംഭവിച്ചതായാണ് വിലയിരുത്തൽ. തകരാർ പരിഹരിക്കാനുള്ള നടപടികൾ ആരംഭിക്കാൻ നാവികസേന മേധാവി നിർദേശിച്ചിട്ടുണ്ട്. ഇന്നലെ അഡ്മിറൽ ദിനേശ് ത്രിപാഠി മുംബൈയിൽ എത്തി നേരിട്ട് വിവരശേഖരണം നടത്തിയിരുന്നു.

അതേസമയം, അറബിക്കടലിലൂടെ സഞ്ചരിച്ചുകൊണ്ടിരുന്ന ഒരു ചൈനീസ് ചരക്കുകപ്പലിലെ ജീവനക്കാരനെ ആരോഗ്യപ്രശ്നത്തെ തുടർന്ന് നാവികസേന ഹെലികോപ്റ്റർ എത്തിച്ച് എയർ ലിഫ്റ്റ് ചെയ്ത് ആശുപത്രിയിൽ പ്രവേശിപ്പിച്ചു. ചികിത്സയിൽ കഴിയുന്ന 51 വയസ്സുള്ള ഈ ജീവനക്കാരൻ അപകടനില തരണം ചെയ്തതായി റിപ്പോർട്ടുകൾ സൂചിപ്പിക്കുന്നു.

ബിടിഎസ് ഇന്ത്യയിലേക്ക്; ജങ്കൂക്കിന്റെ ‘ഗോൾഡൻ മൊമന്റ്സ്’ പ്രദർശനം മുംബൈയിൽ