Shiroor Landslide: Search for Missing Truck Driver Enters Day 9

ഷിരൂരിലെ മണ്ണിടിച്ചിലിൽ കാണാതായ ട്രക്ക് ഡ്രൈവർ അർജുനായുള്ള തിരച്ചിൽ ഒൻപതാം ദിവസത്തിലേക്ക് കടന്നിരിക്കുകയാണ്. ഇന്ന് തിരച്ചിലിനായി കൂടുതൽ ആധുനിക സംവിധാനങ്ങൾ എത്തിക്കുമെന്ന് അധികൃതർ അറിയിച്ചു. ഇന്റലിജന്റ് ഒബ്ജക്റ്റ് ഡിറ്റക്ഷൻ സിസ്റ്റം ഉപയോഗിച്ച് ആഴത്തിൽ ലോഹ ഭാഗങ്ങൾ കണ്ടെത്താൻ ശ്രമിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൂടാതെ, ഹിറ്റാച്ചി ബൂമർ യന്ത്രം ഉപയോഗിച്ച് ആഴത്തിൽ മണ്ണ് നീക്കം ചെയ്ത് പരിശോധന നടത്തും. ഇന്നലെ ഗംഗാവലി പുഴയിലെ മൺകൂനയിൽ സിഗ്നൽ കണ്ടെത്തിയിരുന്നു. ഇന്ന് ഈ പ്രദേശത്ത് വിശദമായ പരിശോധന നടത്തുമെന്ന് അധികൃതർ അറിയിച്ചു.

കാർവാർ എംഎൽഎ സതീഷ് കൃഷ്ണ സെയിൽ 24നോട് സംസാരിച്ചപ്പോൾ, പുഴയിലെ ആഴത്തിലുള്ള തിരച്ചിലിനായി കൂടുതൽ സംവിധാനങ്ങൾ എത്തിച്ചതായി അറിയിച്ചു. ലോറി ഇന്ന് കണ്ടെത്താനാകുമെന്ന പ്രതീക്ഷയും അദ്ദേഹം പ്രകടിപ്പിച്ചു. നേവിയുടെ കൂടുതൽ സംവിധാനങ്ഗൾ ഉപയോഗിച്ചാണ് ഇന്നലെ ഗംഗാവലിയുടെ ആഴങ്ങളിൽ പരിശോധന നടത്തിയത്.

പുഴയിലെ തിരച്ചിൽ ദുഷ്കരമായി തുടരുന്നുവെങ്കിലും, സൈന്യത്തിന്റെ റഡാർ പരിശോധനയിൽ ലഭിച്ച പുതിയ സിഗ്നൽ പ്രതീക്ഷ നൽകുന്നു. അർജുന്റെ ബന്ധുക്കളുമായി സംസാരിച്ചതായും, അവർക്ക് നിലവിലെ രക്ഷാപ്രവർത്തനത്തിൽ വിശ്വാസമുണ്ടെന്നും എംഎൽഎ കൂട്ടിച്ചേർത്തു.

ജമ്മു കശ്മീരിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ

കർണാടക ജാതി സെൻസസ്: 94% പേർ എസ്സി, എസ്ടി, ഒബിസി വിഭാഗങ്ങളിൽ