തിരുവനന്തപുരം മര്യനാടിൽ വള്ളം മറിഞ്ഞുണ്ടായ അപകടത്തിൽ മത്സ്യതൊഴിലാളി മരണപ്പെട്ടു. മര്യനാട് അർത്തിയിൽ പുരയിടം പത്രോസ് (58) ആണ് മരിച്ചത്. ഇന്ന് രാവിലെ 6.45ന് ആറംഗ സംഘം മത്സ്യബന്ധനത്തിന് പുറപ്പെട്ടപ്പോൾ ശക്തമായ തിരയടിയിൽ വള്ളം മറിഞ്ഞാണ് അപകടമുണ്ടായത്.
അപകടത്തിൽപ്പെട്ട മറ്റുള്ളവർ നീന്തി രക്ഷപ്പെട്ടെങ്കിലും, വീഴ്ചയിൽ വള്ളത്തിലിടിച്ച് ഗുരുതരമായി പരിക്കേറ്റ പത്രോസിനെ മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാനായില്ല. പുതുക്കുറിച്ചി സ്വദേശി ജോസിൻ്റെ ഉടമസ്ഥതയിലുള്ള വള്ളമാണ് മറിഞ്ഞത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി. ഈ ദുരന്തം മത്സ്യതൊഴിലാളികളുടെ ജോലിയുടെ അപകടസാധ്യത വീണ്ടും ഓർമ്മിപ്പിക്കുന്നു. സമുദ്രത്തിലെ അപ്രതീക്ഷിത സാഹചര്യങ്ങൾ എത്ര അപകടകരമാകാമെന്ന് ഈ സംഭവം വ്യക്തമാക്കുന്നു.
