School Bus Accident in Palakkad: 40 Students Escape with Minor Injuries

പാലക്കാട് ആലത്തൂർ കാട്ടുശേരിയിൽ സ്കൂൾ ബസ് അപകടത്തിൽപ്പെട്ടു. എഎസ്എംഎം ഹയര്സെക്കണ്ടറി സ്കൂളിന്റെ ബസ് ചേരാമംഗലം കനാലിലേക്ക് മറിഞ്ഞു. അപകടസമയത്ത് ബസിൽ 40 ഓളം കുട്ടികളും 20ൽ താഴെ മുതിർന്നവരും ഉണ്ടായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റോഡിലെ കുഴിയിൽ ചാടിയതിനെ തുടർന്ന് ബസ് നിയന്ത്രണം വിട്ട് തോട്ടിലേക്ക് മറിയുകയായിരുന്നുവെന്ന് ഒരു വിദ്യാർത്ഥി വ്യക്തമാക്കി. കുട്ടികൾക്ക് നിസാര പരുക്കുകൾ മാത്രമാണ് പറ്റിയിട്ടുള്ളത്. ആശങ്കപ്പെടേണ്ട സാഹചര്യമില്ലെന്ന് അധികൃതർ അറിയിച്ചു.

പരിക്കേറ്റ വിദ്യാർത്ഥികളെ ആലത്തൂർ താലൂക്ക് ആശുപത്രി ഉൾപ്പെടെ രണ്ട് ആശുപത്രികളിലായി പ്രവേശിപ്പിച്ചിരിക്കുകയാണ്. സമീപത്തെ പാടത്ത് ജോലി ചെയ്തിരുന്നവരാണ് കുട്ടികളെ തക്കസമയത്ത് രക്ഷിച്ചത്. നാട്ടുകാരുടെ അഭിപ്രായത്തിൽ, കുട്ടികളെ ബസിന്റെ ചില്ല് പൊട്ടിച്ചാണ് പുറത്തെടുത്തത്.

അപകടത്തിന്റെ കാരണം കൃത്യമായി അന്വേഷിക്കുന്നതായി അധികൃതർ അറിയിച്ചു. സ്കൂൾ അധികൃതരും രക്ഷിതാക്കളും സംഭവസ്ഥലത്തെത്തി സ്ഥിതിഗതികൾ വിലയിരുത്തി. ഇത്തരം അപകടങ്ങൾ ഒഴിവാക്കാൻ കൂടുതൽ സുരക്ഷാ നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു.

രാഹുൽ മാങ്കൂട്ടത്തിൽ പാലക്കാട് എംഎൽഎ ഓഫീസിൽ; സ്വീകരണമൊരുക്കി കോൺഗ്രസ് പ്രവർത്തകർ

പാഠപുസ്തക പരിഷ്കരണത്തിലെ പ്രതിസന്ധി; അധ്യാപകരുടെ വേതനം കുടിശ്ശികയായി തുടരുന്നു