Kedarnath Temple Gold Missing: Shankaracharya Alleges Corruption

കേദാര്നാഥ് ക്ഷേത്രത്തില് നിന്ന് 228 കിലോഗ്രാം സ്വര്ണം കാണാതായതായി ജ്യോതിര്മഠ ശങ്കരാചാര്യര് സ്വാമി അവിമുക്തേശ്വരാനന്ദ് ആരോപിച്ചു. സ്വര്ണ തട്ടിപ്പിനെക്കുറിച്ച് യാതൊരു അന്വേഷണവും നടത്തിയിട്ടില്ലെന്നും അദ്ദേഹം കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡല്ഹിയില് കേദാര്നാഥ് ക്ഷേത്രം നിര്മ്മിക്കാനുള്ള പദ്ധതിയെയും അദ്ദേഹം വിമര്ശിച്ചു, ഇത് മറ്റൊരു അഴിമതിക്കുള്ള നീക്കമാണെന്ന് ആരോപിച്ചു. ശിവപുരാണത്തില് 12 ജ്യോതിര്ലിംഗങ്ങളുടെ പേരും സ്ഥലവും പരാമര്ശിച്ചിട്ടുണ്ടെന്നും കേദാര്നാഥിന്റെ വിലാസം ഹിമാലയത്തിലായിരിക്കെ അത് ഡല്ഹിയില് എങ്ങനെ സ്ഥാപിക്കുമെന്നും സ്വാമി അവിമുക്തേശ്വരാനന്ദ് ചോദിച്ചു.

ഇത്രയധികം സ്വര്ണം നഷ്ടമായിട്ടും അന്വേഷണം നടത്താതെ ക്ഷേത്രം പണിയാനൊരുങ്ങുന്നത് മറ്റൊരു അഴിമതിയ്ക്കുള്ള നീക്കമായി മാത്രമേ തനിക്ക് കാണാനാകൂ എന്നും അദ്ദേഹം പറഞ്ഞു. കഴിഞ്ഞ വര്ഷം കേദാര്നാഥ് ക്ഷേത്രത്തിലെ സ്വര്ണം പൂശിയതില് 125 കോടി രൂപയുടെ അഴിമതി നടന്നതായി ഒരു മുതിര്ന്ന പുരോഹിതന് ആരോപിച്ചിരുന്നു.

സ്വര്ണത്തിന് പകരം പിച്ചളയാണ് പൂശിയതെന്നായിരുന്നു അന്നത്തെ ആരോപണം. ഇതിന് പിന്നാലെയാണ് ശങ്കരാചാര്യരുടെ വിമര്ശനവുമെത്തുന്നത്.

സുകുമാരൻ നായർക്കെതിരെ വീണ്ടും പ്രതിഷേധം; പെരിങ്ങരയിൽ ഫ്ലക്സ് ബാനറുകൾ

ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമി ബുധനാഴ്ച ഡല്ഹിയിലെ ബുരാരിക്ക് സമീപമുള്ള ഹിരാങ്കി പരിസരത്ത് പുതിയ കേദാര്നാഥ് ക്ഷേത്രത്തിന് തറക്കല്ലിട്ട ഭൂമി പൂജയില് പങ്കെടുത്തിരുന്നു. ഈ പശ്ചാത്തലത്തിലായിരുന്നു ശങ്കരാചാര്യരുടെ ആരോപണങ്ങള്.

കോഴിക്കോട് പറമ്പിൽ ബസാറിൽ വീട് കുത്തിത്തുറന്ന് 25 പവൻ സ്വർണം കവർന്നു